JOEL 2:13 - Pathien Lekhabu Inthieng (BSI)

¹³ in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

JOEL 2:13 Iomraidhean Croise

INṬANNA 37:29

Reuben chu khura chun a hung kîra Josef chu khurah a lo um ta nawh ti a hmu chun a silfênhai a keithlêr a,

INṬANNA 37:34

Chun, Jakob chun a silfênhai a keithlêr a, saiip puon a dierkei a, ni sâwttak a naupa chu a sûn a.

2 SAMUEL 1:11

Chuongchun, David chun ama silfênhai chu a chel a, a keithlêr ta a, chuong ang bawk chun a kuoma mi um po pohai chun an thaw ve a;

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

2 LALHAI 22:11

Chun, lal chun dân lekhabu thuhai chu a hang hriet chun a puonhai a keithlêr ta a.

2 LALHAI 22:19

hi hmun le a sûnga chênghai hi sukrêm le ṭawngsephurin la um an tih ti thu ka hril kha i lo hriet a, i lungril dâm a hung innêm a, Lalpa hmaa inngaitlâwm a, i puonhai i keithlêr a, ka hmaa i ṭap leiin kei khawma i thu chu ka lo hriet a, Lalpain a tih.

2 LALHAI 5:7

Chun, Israel lal chun lekhathawn chu a tiem phingleh, a puonhai a keithlêr a, “Hi mipa hin mi ân phârna sukdam dinga ka kuoma a hung tir hi sukdam ding le sukhlum dingin Pathien am ka nih? amiruokchu, ngaituo ta u, ka ngên cheu hi, keia chunga insêlna a zawngzie hi en ta u,” a ta.

2 LALHAI 6:30

Chun, lal chun chu nuhmei thuhril chu a hriet chun a puon a keithlêr ta a, (kul khotlânga a fe lai a nih) chun, mipuihai chun an hang en a, ngai ta, a pang depa chun saiip puon hi a lo sil zing a.

2 CHANCHIN SUINA 6:27

vâna chun lo hre la, an fena ding lampui ṭha închûktir lai chun i siehlawhai le i mi Israelhai suol chu nangin lo ngaidam la; i mihai kuoma rochan dinga i pêk, chu ram chunga chun ruo insûrtir rawh.

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

INPÂKNA HLABU 103:8

Lalpa chu lainatnaa sip, mi lunginsiet theitak, Lunginuoitak, ngilneina hautak a nih.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 34:18

Lalpa chun lungrila lungriem ithlâkhai chu a hnai hlak a, Lungrila insîrhai po chu a sandam hlak.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 58:5

Chuong ang chu bu ngheina ka dit zâwng chûm a nih? Thielkuong anga a lu kûn ding le, a hnuoia saiip puon phaa vut phul ding am a nih? Chu chu bu ngheina le Lalpa ta dinga ni lâwmtlâk i ti ding am a nih?

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

JEREMIA 41:5

Mi ṭhenkhat Sekema inthawk dâm, Siloa inthawk dâm, Samaria inthawk dâmin mi sâwmriet zet, an khâkhmul vawa, an puonhai keithlêra, anni le anni chu inât a, an kuta bu thilinhlânhai le riminhnikhai chawiin, Lalpa ina hung inhlân dingin an hung ta a.

JEREMIA 42:10

Hi rama hin in chêng zing chun, ṭhiek lovin tungding ka ti cheu a, phâwi lovin phun ka ti cheu; in chunga sietna kan tlungtir hi pawi ka ti si a.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

NAHUM 1:3

Lalpa chu a lung ân uoi a, nasataka thilthawthei a na, mi suol chu thiem inchangtir hrim hrim naw ni; Lalpa chun thlivira le thlipuia chun lampui a nei a, sûmhai chu a kea pilvut a nih.

NAMBAR 14:18

‘Lalpa chu lung inuoitak, zainêmna hau, rîtlonahai le bawsietnahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

EPHESI 2:4

Nisienlakhawm, Pathien chun lunginsietna a hauin, a mi hmangaina nasatak lei khan,

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.