JOEL 1:7 - Pathien Lekhabu Inthieng (BSI)

⁷ Ka grêp hrui a suksiet a, ka theichang kûng hâwng a khek a, a khek fai vawng a, a peihâwn a; a kâuhai chu a fil vâr vawng a.

JOEL 1:7 Iomraidhean Croise

INPÂKNA HLABU 105:33

An grêp hruihai le an theichang kûnghai a sukhlum a, An rama thinghai chu a sukthliek ta bawk a.

FESUOKNA 10:14

Khâuhai chu Aigupta ram po po chunga chun an hung a, Aigupta ram sûng po poa chun an um khup el ta a; a râpthlâk bêk a, anni hma hin anni ang hrim hin khau an la um ngai naw a, anni hnunga khawm um ngai ta bawk nawng an tih.

FESUOKNA 10:15

A ram pumpui chu an dâp khup el si a, ram chu ân thim khup el bawk a; rama hna hring tinrêng le, thing rahai, riel ihlahai chu an fâk ta ngei a; Aigupta ram pumpuia chun loa thlaihna, thing le thil a hring hrim a um ta dêr naw a.

ISAI 24:7

Uoin thar chu a ṭap a, grêphrui chu a châu ie, lungrila hlim po pohai chu an inrûm ie.

ISAI 32:12

Lo ditumhai lei le grêphrui ra nuom mi lei chun in âwm inchum inchum ro.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

JEREMIA 8:13

Anni chu kâng hmang letdêr ka tih, Lalpa chun a tih; grêphruiahai chun grêp um naw ni a, theichang kûngahai khawm chun theichang um naw ni a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

JOEL 1:12

Grêp hrui chu a vuoi a, theichang kûng chu a châu a, theibufai kûng dâm, intûm dâm le apple thei kûng dâm, loa thing po pohai khawm chu a ṭuoi ta a; mihriem nauhai laia lâwmna chu a vuoi hmang ta si a.

AMOS 4:9

“Ṭâwlna le apnain ka hrem cheu a, in huonhai, in grêp huonhai, in theichang kûnghai, in oliv thinghai zozai chu thingnge tuktulung chun a fâk zo vawng tah a nih; chuong khawm chun ka kuomah in hung kîr nawh,” Lalpain a tih.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.