JOEL 1:18 - Pathien Lekhabu Inthieng (BSI)

¹⁸ Ranhai chu an inrûm nasa de! Bâwng ruolhai chu an lunginzîng a, hlohna hring hmun an nei naw leiin; anih, berâm ruolhai chu an rêm zo ta a.

JOEL 1:18 Iomraidhean Croise

1 LALHAI 18:5

Chun, Ahab chun Obadia kuoma chun, “Tuihnâr po po le varuom umna po po va fang ta khai; sakawrhai le sabengtung lien chi hai hi ei sandam theina dingin hlobet dâm ei hmupêk thei el rawi mawh; chuong naw chun chu ranhai hi chân vawng rawi ei tih,” a ta.

1 LALHAI 8:5

Chun, lal Solomon le Israel mi pungkhâwm po po, a kuoma hung inkhâwmhai chu bâwm hmaa chun an um tâwl a; berâm le bâwngchal a tam leia tiem sêng ruol lo le a zât hriet sêng ruol lo chun an inthâwi a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuipuia ngahai chenin lâk hmang nîng an tih.

JOEL 1:20

Anih, ramsahai chu nanga ngaiin an inthuok huom huom a, vadungtêhai chu a kang intan a, mei chun thlalêr hmun hlohna hmun chu a kâng fai ta si a.

AMOS 1:2

Chun, ama chun, “Lalpa chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

HAGGAI 1:10

Chuleiin, nangni leiin vân chu daidaw intlâktir lo ding le, hnuoi chu ra insuo lo dinga khap an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:22

Thilsiem po pohai chu tu chen hin inrûm le nauhasena tuorin an um tâwl ti ei hriet si a.