JOEL 1:15 - Pathien Lekhabu Inthieng (BSI)

¹⁵ Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 1:15 Iomraidhean Croise

INPÂKNA HLABU 37:13

Lalpa chun ama chu nuisan a ta, A ni a hung tlung ding a ni tah ti a hriet leiin.

JEREMIA 30:7

Ahei, chu ni chu a ropui si a, chu ang hrim chu a um naw a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 46:10

Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

EZEKIEL 30:3

Ni chu a hnai a, Lalpa ni chu a hnai ta si a; Sûm zingna ni, Hnamhai sietna ni chu nîng a tih.

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

JOEL 3:14

Mipuihai, thusukthlûkna kâwna mipui um mur murhai! Lalpa ni chu thusukthlûkna kâwna chun a hnai ta si a.

OBADIA 1:15

Hnam po po chungah Lalpa ni chu a hnai si a; i lo thaw ta ang bawkin i chungah thaw nîng a ta, i thaw dân chu i lu chung ngeiah hung lêt a tih.

ZEPHANIA 1:7

Lalpa Pathien hmaihmaa chun to ṭhiep unla, Lalpa ni chu a hnai ta hle si a: Lalpa chun inthawina chu a buotsai ta a, a mikhuolhai khawm chu a hlânthieng ta si a.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an ti a.