JOEL 1:14 - Pathien Lekhabu Inthieng (BSI)

¹⁴ Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

JOEL 1:14 Iomraidhean Croise

2 LALHAI 10:20

Chun, Jehu chun, “Baal hmingin ruoiṭhena ropui siem ro,” a ta. Chuongchun, chu chu an inthawn vêl ta a.

2 CHANCHIN SUINA 20:13

Chuongchun, Juda mihai po po chu Lalpa hmaa chun an nauhai le an nuhmeihai le an nautêhai rawi leh chun an ngîr a.

NEHEMIA 8:18

ni tin a ṭantir nia inthawka a tâwp chenin Pathien Dân bua mi an tiem bawk a. Ruoiṭhe chun ni sari an aw a; chun a ni riet ni chu thupêk anga a ṭumṭiekna ni chu a nih.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 36:9

Chun, Juda ram lal Josia naupa Jehoiakim inlal kum ngana, thla kuonaa chun Jerusalema mi po pohai, Juda ram khawpuihaia inthawka Jerusalema mipui hung po pohai chun Lalpa hmaa bunghei chu an phuong ta a.

JOEL 1:2

Tarsiehai, hi hi hre unla, hi rama um po pohai, na lo sit ro.Hi in hun lai le in puhai hun laia khawm a um ta hlak am a nih?

LEVI DÂN 23:36

Ni sari sûng chun, mei hmanga thilinhlân Lalpa kuomah inhlân in ta, a ni riet ni chu in ta dingin inkhâwmpui inthieng nîng a ta; mei hmanga thilinhlân Lalpa kuomah in inhlân ding a nih; inkhâwmpui ursûn a na; sin hrim hrim in thaw ding a ni nawh.

JONA 3:5

Ninevi mihai chun Pathien an ring ta a; bunghei ding tiin an puong a, anni laia a lien taka inthawka a chîn tak chenin saiip puon an sil ta a.

JONA 3:8

mihriem le ranhai chun saiip puon sil lem hai sienla, nasatakin Pathien ko raw hai se, anih, mi tinin mâni lampui ṭha naw le, an kuta inpâwngnêkna chu nghatsan raw hai se.

ZEPHANIA 2:1

Nangni le nangni inkei khâwm unla, anih, inkei khâwm ro, aw inzakna hre lo hnamhai;