JOEL 1:13 - Pathien Lekhabu Inthieng (BSI)

¹³ Nangni thiempuhai, saiip puon dierkei unla, ṭap ro; nangni maichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhawvârin zâl ro: in Pathien ina inthawk chun beiphit inhlân le dâwn ding inhlân chu khap a ni si a.

JOEL 1:13 Iomraidhean Croise

2 SAMUEL 12:16

David chun naupang ta ding chun Pathien kuomah a ngên rak a; chun, David chun bu dâm a nghei a, a lût a, zân khawvârin hnuoiah a zâl ta a.

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; Lalpa lunginsenna ṭium chu einia inthawkin a hnungkîr si naw a.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

EZEKIEL 21:12

Mihriem naupa, khêk la, inrûm rawh; ka mihai chunga tlung a na, Israel lalhai po po chungah a tlung si a; anni chu ka mihai leh kâwlhnâm kuoma chun pêkin an um a; Chuleiin, i êlpui chu ben rawh.

EZEKIEL 27:31

I ta dingin invâwkawl an ta, saiip puonin inthuom an ta, Rinumtitaka sûna, lungrila natitakin ṭâng an ti che!

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

HOSEA 9:5

Inkhâwmpui ursûntak nia le, Lalpa ruoiṭhe nia chun ieng am thaw tâng in ta?

JOEL 2:12

Lalpa chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

JOEL 2:17

Thiempu, Lalpa rawngbâwltuhai chu, tuolpûk le maichâm inkâra chun ṭap sienla, “Aw Lalpa i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

NAMBAR 28:14

Chun, an dâwnmi thilinhlân chu bâwngchal pakhatah uoin hin chenve nîng a tih; berâmchal pakhatah hin hmun thuma ṭhea hmun khat, berâmte pakhatah hin hmun lia ṭhea hmun khat; hi hi kum tluona thla tina pumrawhmang thilinhlân chu a nih.

NAMBAR 28:4

Berâmte pakhat chu zîngkâr inhlân in ta, pakhat chu zântieng inhlân in tih;

NAMBAR 28:7

Chun, Berâmte pakhat inhlânnaa dâwnmi thilinhlân chu, hin hmun lia ṭhea hmun khat a ni ding a nih; Lalpa ta dinga uoin, dâwn ding thilinhlân chu hmun inthiengah i bun suok ding a nih.

NAMBAR 29:6

thla thar pumrawhmang thilinhlân le chutaka beiphit thilinhlân dâm, dâwnmi thilinhlân dâm, an thaw dân pângngai Lalpa ta dinga riminhnik dinga meia thilinhlân dâm bâkah.

1 KORINTH 4:1

Keinirawi hi Krista rawngbâwltu le Pathien thurûk enkawltuah miin mi ngai raw hai se.

1 KORINTH 9:13

Thil ser buotsai vêltuhai chun Pathien biekina thil an fâk le maichâm rawngbâwltuhai chun, maichâm leh chanvo an nei ti in hriet naw am a nih?

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.