JOEL 1:12 - Pathien Lekhabu Inthieng (BSI)

¹² Grêp hrui chu a vuoi a, theichang kûng chu a châu a, theibufai kûng dâm, intûm dâm le apple thei kûng dâm, loa thing po pohai khawm chu a ṭuoi ta a; mihriem nauhai laia lâwmna chu a vuoi hmang ta si a.

JOEL 1:12 Iomraidhean Croise

INPÂKNA HLABU 4:7

Ka lungrila chun lâwmna i sie ta a, An bu le an uoin hung hlâwk chânga lâwmna an nei nêka nasa lem chu.

INPÂKNA HLABU 92:12

Mi fel chu intûm angin inno hlut hlut a ta, Lebanon tlânga sidar thing angin inṭhang duok duok a tih.

HLAHAI HLA 2:3

Ramhnuoi thinghai laia apple thing ang el A nih ka hmangaitak chu, tlangvâlhai laia chun. Inhawi titakin a hlima chun ka ṭhung a, A ra chu ka baua chun a thlum a nih.

HLAHAI HLA 4:13

I thil phunhai chu theibufai, ra hlutakhai chu a na, Henna le spiknard thinghai leh.

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw ni a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrimin uoin sir pût ta naw ni hai a; grêp sîk khêk ri chu ka sukbo tah.

ISAI 24:11

Uoin leiin kawtthlêrahai chun ṭap ri a um a, hlimna po po sukthimin a um a, hi ram hlimna hi a bo tah.

ISAI 24:7

Uoin thar chu a ṭap a, grêphrui chu a châu ie, lungrila hlim po pohai chu an inrûm ie.

ISAI 9:3

Hnam chu i suktam ta a, an hlimna khawm i sukpung ta a; bu sîk laia hlim angin i hmaah an hlim ta a, miin râllâk sum an sema an hlim ang elin.

JEREMIA 48:3

Horonaima inthawka khêkri chu, suksietna le sukbohmangna nasatak a ni a!

JEREMIA 48:33

Moab rama inthawk le lo rahlâwkna hmunhaia inthawk chun hlimna le lâwmna dâm chu lâk hmang a ni ta a; uoin sâwrna khurhaia inthawk chu uoin chu kân kangtir ta a; tukhawma khêk pumin sirsâwr naw ni hai a; khêk ri khawm chu lâwmna khêk ri ni naw ni.

JOEL 1:10

Lo chu suksiet a na, ram chu a lungngai a, bu chu suksiet a na, uoin thar chu a kang a, hriek khawm chu a chau a.

JOEL 1:16

Ei mithmua fâk ding sukbo a ni naw am a nih? Anih, ei Pathien ina inthawka hlimna le lâwmna leh?

JONA 4:7

Amiruokchu, Pathienin a zînga chun khawfingchat laiin, thilnge a ruot a, chu chun ûm chu a rêt a, a hung vuoi ta a.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai naw a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.

NAMBAR 13:23

Chun, Eskol ruom an va tlung a, chutaka grêp ra bâwr khat a kâu pumin an sât bawng a, hmawlin mi pahniin an zâwn a; theibufaihai le theichanghai an hâwn bawk a.