JOEL 1:11 - Pathien Lekhabu Inthieng (BSI)

¹¹ Aw, nangni lo neituhai, inzak unla, nangni grêp hrui enkawltuhai, bupui le buṭei leiin khêk rak rak ro; loa bu sîk ding chu a bohmang ta si a.

JOEL 1:11 Iomraidhean Croise

ISAI 17:11

i phun ni chun în huon vêl hlak a, zîngkâr chun i thil chi chu i sukpâr hlak; nisienlakhawm, a ra lo chu lungngaina le natna nasatak nia chun a bo el hlak.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 50:16

Babulona inthawk chu chi thetu chu sât thla unla, busîk laia kâwite hmangtu le chun; nêksâwrna kâwlhnâm ṭi leiin mi tin chu mâni mihai tiengah kîr seng an ta, mi tin chu mâni rama seng chun tlân an tih.

JEREMIA 9:12

Hi hi a hrilfie theina dinga Lalpa bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta naw am a na?

EZEKIEL 30:2

“Mihriem naupa, hril la, hieng hin hril rawh, Lalpa Pathien chun hieng hin a tih: Ṭapinrûm unla, chungrikna ni chu!

AMOS 5:16

Chuleiin, Lalpa, sipaihai Pathien, Lalpa chun hieng ang hin a tih, “Khawlaidung lien po poah ṭap rak rakna um a ta, kawtthlêr po poah. ‘A va pawi de aw!’ tîng an tih; lusûn dingin loneituhai ko an ta, ṭap rak rak dingin ṭap thiemhai ko an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.