JEREMIA 8:2 - Pathien Lekhabu Inthieng (BSI)

² nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

JEREMIA 8:2 Iomraidhean Croise

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 21:3

A pa Hezekiain a suksiet tah bâwlhmunhai chu a siem ṭha nâwk a; Israel lal Ahab thaw angin Baal maichâmhai a siem a, Aserahai a siem a, vâna um po po khi a biek a, an rawng a bâwl a.

2 LALHAI 21:5

Lalpa in inhuonna sûng pahnia chun vâna um po pohai ta dingin maichâm a siem a.

2 LALHAI 23:5

Chun, milim betuhai thiempuhai, Juda lalhaiin Judai ram khawpui bâwlhmunahai, Jerusalem vêla riminhnik raw dinga an lo ruothai khawm chu ân bântir a; Baal ta ding dâm, nisa ta ding dâm, thla ta ding dâm, arasi ta ding dâm, vâna umhai po po ta dinga riminhnik rawtuhai khawm chu.

INPÂKNA HLABU 53:5

Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta si a; Pathienin anni chu a pei thlâk leiin i sukmuolpho ta a.

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

INPÂKNA HLABU 83:11

An mi lienhai chu Oreb le Zeeb i thaw ang khan thaw la, Anih, an lalhai po po chu Zeba le Zalmunna ang khan tukdei rawh.

THUHRILTU 6:3

Miin nau za nei sienla, kum tamtak dam sienla, a kum nihai chu tam hle sienla, amiruokchu, a lungril chu thil ṭhain a tlai naw a; chu nawa khawm phûmna a hlaw bawk si naw chun, ama nêk chun a hun naw a pieng khawm chu a ṭha lem a nih ka ti a nih;

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni si a.

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 19:13

Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 22:19

Sabengtung phûm angin phûm an ta, Jerusalem dai kawtkhârhai khêla hnûka kei dawkin.

JEREMIA 25:33

Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

JEREMIA 36:30

Chuleiin, Juda ram lal Jehoiakim chungthua chun Lalpa chun hieng hin a tih: David lalṭhungpha chunga ṭhung ding tukhawm nei naw ni a; chun, a taksa thi chu sûnah lumah, zânah zildeiah peihâwn nîng a tih.

JEREMIA 9:20

Aw nangni nuhmeihai, Lalpa thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

JEREMIA 9:21

Thina chu ei tukverhaia chun a hung a, ei in ropuihaia chun a hung lût si a,kawtthlêra inthawla tlangvâlhai le, puotienga inthawka naupanghai chu sâtthla dingin.

JEREMIA 9:22

Lalpa chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

EZEKIEL 29:5

Thlalêra chun peihâwna umin mâksan ka ti che, Nang le i vadungpuia ngahai po po le chun; Ram hmun âwng chunga chun tlâng i ta, Lâk khâwm ni ta naw ti ni a, phûm khawm ni ta naw ti nih. Hnuoia ramsahai le chunglêng vatehai ta dingin, Bu dingin ka pêk ta che a nih.

EZEKIEL 39:5

Hmun palailênga chun tlûng i tih, ka hril ta si a; Lalpa Pathien chun a tih.

EZEKIEL 6:5

Chun, Israel thlahai thiruonghai chu an milimhai hmaa chun sieng ka ta; in ruhai chu in maichâmhai vêla chun the dar ka tih.

EZEKIEL 8:16

Chun, Lalpa in tuollai sûngril lema chun a mi ṭhuoi ta a, chun, ngai ta, Lalpa biekin kawtkhâr, maichâm le a tuolpûk inkâra chun mi sâwmhni panga, Lalpa biekin chu an hnungtieng innghata, an hmaihai chu khawsak tieng nghain an um a; saktienga nisa chu chibai an bûk a.

ZEPHANIA 1:17

Chuongchun, mihriemhai chunga chun rinumna intlungtir ka ta, Lalpa chungah thil an lo suksuol ta leiin mitdelhai angin lâwn an ta, an thisen chu pilvut anga bunthlâk nîng a ta, an taksahai chu êk ang elin.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

THILTHAWHAI 7:42

Chuongchun, Pathienin a nghat san a, vâna arasihai chibai an bûk theina dingin anni a ensan ta a; Zâwlnei Lekhabua, ‘Israel chihai, thlalêra khan kum sâwmli sûngin, Sa that le ran thatin kei in mi biek am a nih?

DÂN PAHNINA 17:3

Pathien dang rawng va bâwl a, ka thupêk ni lo, nisa amanih, thla amanih, vâna mi hrim hrim bie an um a, an hril che a,

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.