JEREMIA 47:2 - Pathien Lekhabu Inthieng (BSI)

² Lalpa chun hieng hin a tih: Ngai ta u, hmârtienga inthawkin tuihai a hung lien a, vadung kuong lêt hung nîng a ta, ram le a sûnga umhai le khawpui le a sûnga umhai le chun hung lêtkhum a ta; mihai chu khêk an ta, ram hluotuhai po po ṭap inrûm an tih.

JEREMIA 47:2 Iomraidhean Croise

INPÂKNA HLABU 24:1

Leilung hi Lalpa ta a na, a sûnga um po pohai leh, Khawvêl le a sûnga chênghai le hin.

INPÂKNA HLABU 50:12

Phîngṭâm lang khawm hril naw ning cheng a, Leihnuoi le a sûnga thil um po pohai hi ka ta a ni si a.

INPÂKNA HLABU 96:11

Vânhai khi lâwmtakin um sienla, hnuoi khawm hi hlimtakin um raw se, Tuisuoriet le a sûnga um po po hi inri hum hum sienla,

INPÂKNA HLABU 98:7

Tuisuoriet le a sûnga um po po hi inri hum hum raw se, Khawvêl le a sûnga chênghai le hin.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 15:8

Khêkri chu Moab ramri vêlahai chun a um si a, khêk rak rak ri chu Eglaim khuo chenin ân hriet a nih; khêk rak rak ri chu Beerelim khuo chenin ân hriet a nih.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

JEREMIA 1:14

Chun, Lalpa chun ka kuomah, “Hmâr tienga inthawkin ram hluotuhai po po chungah thil ṭha naw hung so suok a ta.

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

JEREMIA 46:13

Babulon lal Nebukadnezzar chu hung a ta, Aigupta ram chu ieng angin am a hung rûn ding a na, ti thua zâwlnei Jeremia kuoma Lalpa thuhril thu chu:

JEREMIA 46:20

Aigupta hi bâwngla hmêl ṭhatak a na, nisienlakhawm, hmârtienga sietna chu a hung a, a hung tlung mêk a nih.

JEREMIA 46:24

Aigupta naunu chu sukzak nîng a ta; hmârtienga mihai kuta chun pêk suok nîng a tih.

JEREMIA 48:39

Ieng anga sukkhawi am a na? Ieng angin am an ṭap inrûm a? Moab chun inzak leiin iengtin am a hnunginnghat el a; chuongchun, Moab chu a vêla umhai ta ding chun lungsukzîngna le hrilsîm nîng a tih.

JEREMIA 6:22

Lalpa chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 8:16

Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.

NAHUM 1:8

Amiruokchu, tui lien luong liemna hmangin chu hmun bohmang vawngna chu intlungtir a ta, hmêlmahai chu inthimnaah hnawt lût a tih.

1 KORINTH 10:26

hnuoi le a sûnga um po po hi Lalpa ta a ni si a.

1 KORINTH 10:28

Amiruokchu, tûin amanih, “Hi hi inthâwina a nih,” tiin a hril cheu chun, ân hriettirtu cheu lei le, a sie le ṭha hrietna leiin fa naw ro;

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

THUPUONGSUO 17:1

Chun, vântirko pasari berbu pasari chawihai laia pakhat chun a mi biek a. “Hung ta, tui tamtaka ṭhung, nawchizawr ropuitak hremna chu inentir ka ti che.

THUPUONGSUO 17:15

Chun, ama bawk chun ka kuomah, “Nawchizawr ṭhungna tui i hmuhai kha, mi dâm, mipui dâm, hnam dâm, ṭawng dâm a nih.