JEREMIA 3:3 - Pathien Lekhabu Inthieng (BSI)

³ Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 3:3 Iomraidhean Croise

INṬANNA 19:34

Chun, a zînga chun a upa lem chun a naupang lem kuoma chun, “Ngai ta, zâni zân khan ka pa kâwlah ka zâl a; vawizân khawm hin uoin indâwntir nâwk ei ti khai; chun, nang lût la, ei pa suonmawng lova ei siem theina dingin a kâwlah va zâl ve rawh,” a ta.

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

THUVARHAI 21:29

Mi khawhlo chun a hmai a sukngar a, Mi tluong ruok chun a lampuihai a rêl fel.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

JEREMIA 14:1

Khawinṭhâl chungthua Jere- mia kuoma Lalpa thu hung tlung chu:

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 14:4

Rama chun ruotui a um si naw a, leihnuoi beidawngumtak lei chun hnuoi inlettuhai chu an inzak a, an luhai an khum a.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 5:24

An lungril khawma, “Lalpa ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

JEREMIA 5:25

In suolnahai chun hieng thilhai hi a hnawt hmang a, in suolnahai chun nangnia inthawk chun ṭhatnahai chu a chelkîrpêk cheu a ni hi.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

JEREMIA 9:12

Hi hi a hrilfie theina dinga Lalpa bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta naw am a na?

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

LEVI DÂN 26:19

in hrâtna sawngtawlawi chu suksieng ka ta, in vânhai chu thîr angin siem ka ta, in hnuoi chu dârsen angin;

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir naw a; hmun khat chungah a sûr hlak a, a sûr nawna hmun chu a ṭâwl hlak.

AMOS 4:8

Chuongchun, khawpui pahni amanih, pathum amani chu khawpui pakhatah tui dâwn dingin an invâk a, an khawp naw a, chuong sa khawm chun ka kuomah an hung kîr nawh,” Lalpa chun a tih.

ZEPHANIA 2:1

Nangni le nangni inkei khâwm unla, anih, inkei khâwm ro, aw inzakna hre lo hnamhai;

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

HAGGAI 1:11

Hnuoi chunga dâm, tlânghai chunga dâm, buvui chunga dâm, uoin chunga dâm, hriek chunga dâm, leihnuoiin a hung insuotir taphawt le, mihriemhai chunga le, bâwng ruol chunga le, kut sininrim ra suok po po chunga chun khuo ka sukṭhâl a nih”, tiin.

DÂN PAHNINA 28:23

In chung tienga in vân chu dârsen nîng a ta, in hnuoi chu thîr nîng a tih.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.