JEREMIA 3:2 - Pathien Lekhabu Inthieng (BSI)

² Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

JEREMIA 3:2 Iomraidhean Croise

INṬANNA 38:14

Ama chun a pasal sûnna silfênhai chu a hlîp a, inkhumna puonin ân khum a, ân tuom tlat a, Timna lampuia Enaim kul kawtkhâra chun a lo ṭhung a: Selah chu a puitling ta si a, a pa chun a nuhmei dingin ân neitir naw zo a ni tah ti a hriet si a.

1 LALHAI 11:3

Chuongchun, nuhmei za sari, lal naunu a nei a, thaikêm za thum leh; chun, a nuhmeihai chun a lungril an ṭhuoi kâwipêk ta a.

2 LALHAI 23:13

Chun, Jerusalem bul sietna tlâng changtieng panga Zidonhai pathien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

INPÂKNA HLABU 106:38

Thisen pawitâwklo, an naupasalhai le an naunuhmeihai thisen ngei chu an insuo ta a, Chuonghai chun Kanaan ram milimhai kuomah an inthâwi a, Chu ram chu thisenin a lo pawrche ta a.

THUVARHAI 23:28

Anih, inru angin ân chân a, Mihai laia chun bawsietna chu a sukpung ta a.

THUVARHAI 7:11

Amanu chu mi bautam ngalhrâttak a na, A ina hrim a ke chu a um hman ngai naw a.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 2:23

Iengtin am ‘Sukpawrchein ka um naw a, Baal khawm chu ka zui naw a,’ ti thei i ta? Phairuoma i lampui chu en la, i thaw tahai chu hre bawk rawh; sanghâwngsei tuoi hrâttak a lampuihai thlep kawi kawi le;

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrche a, ka rochan chu tirdakumah in siem ta a ni kha.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 3:21

Bâwlhmun tlângahai chun râwl hriet a na; Israel nauhai ṭapna le hnina chu; chu chu lei chun an lampui chu an lo sukhran ta a, Lalpa an Pathien chu an theinghil tah a nih.

JEREMIA 3:9

A hurna inruina lei chun ram chu sukpawrchein a um ta a; thingbulhai le lunghai le chun a lo uire ta a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

EZEKIEL 16:16

I silfênhai chu i lâk a, i bâwlhmunhai chu ze dang dangin i chei a; a chunga chun nawchizawrna thil chu i thaw ta a; chuong ang thil chu um nâwk ta ngai naw ni a, chuong ang chu a la ni ngai bawk nawh.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu, ami hmangaituhai chu hnawt ka tih, a ti a nih.

LUKA 16:23

Chun, mithi khuoa chun natak tuorin a um a, a hang dâk a, hlataka Abraham, a ângsûnga Lazar um leh a hmu ta a.

DÂN PAHNINA 12:2

In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.