JEREMIA 26:3 - Pathien Lekhabu Inthieng (BSI)

³ Anni chun ngai an ta, mi tin chu mâni lampui suola inthawk chun an kîr el thei a nih; chuongchun, an thilthawhai suol leia an chunga thil ṭhalo thaw dinga ka tumhai khawm chu kân sîr el thei a nih.

JEREMIA 26:3 Iomraidhean Croise

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

1 LALHAI 21:29

“Ahab ka hmaa an ngaitlâwmzie hi i hmu am? Ka hmaa an ngaitlâwm lei hin ama dam sûng hin chu a chungah thil ṭha naw intlungtir naw ning, a naupaa inthawk ruok chun a sûnghai chungah thil ṭha naw intlungtir ka tih,” tiin.

JEREMIA 26:13

Chuleiin, tuhin in thilthawhai le in umdânhai chu siemṭha unla, Lalpa in Pathien râwl chu awi ro; chuongchun, nangni dodâla LalpaIN thil ṭha naw a lo hril ta khawm chu lamlêt a tih.

JEREMIA 26:19

Juda ram lal Hezekia le, Juda mihai po po chun ama chu an that el am a nih? Lalpa chu a ṭi a, Lalpa ditsakna chu a hni a; chuongchun, Lalpa chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an ti a.

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

EZEKIEL 12:3

Chuleiin, nang mihriem naupa, sal intâng ding angin thuomhnaw intêl la, sûnah an mithmu ngeiah fe suok rawh; chun, an mithmua chun i hmuna inthawkin hmun dangah insawn rawh; sûngkaw hel hmang an ni nâka chu an ngaituo thei rawi mawh.

EZEKIEL 18:21

“Amiruokchu, mi rilo chu a thil suksuolhaia inthawk chun ân her hmang a, ka thuruothai chu a zâwm a, ân dik le dân ang thilhai chu a thaw chun, hring ngei a ta, thi naw nih.

HOSEA 11:9

Ka lunginsen nasatak chu hlen naw ning a, Ephraim chu sukbohmang tum nâwk ta naw ning. Kei chu mihriem ni lovin, Pathien ka ni si a, Nangmaa um Mi Inthieng chu; Khawpui chu hung hlûkhum naw ning.

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.