JEREMIA 21:2 - Pathien Lekhabu Inthieng (BSI)

² anni chun, “Kan ngên che, kan ta dingin Lalpa chu thu mîn dawnpêk rawh; Nebukadnezzar Babulon lal chun keini hi a mi hung do a; keinia inthawka a kîr theina dingin, a thilthaw maktakhai ang po po khan Lalpa chun keini a mi thawpêk ding âwm am” an ta.

JEREMIA 21:2 Iomraidhean Croise

INṬANNA 10:10

Ân lal phutna chu Sinar rama Babel, Erek, Akkad le Kalne khuo a nih.

2 LALHAI 1:3

Nisienlakhawm, Tisbe mi Elija kuoma chun Lalpa vântirkoin, “Tho la, Samari lal tirtâwnhai chu intuokpui dingin fe rawh; chun, an kuoma chun, Israel rama hin Pathien a um ta naw leiin amanih Ekronhai pathien Baal-zebub chu râwn dinga in fe chu?

2 LALHAI 17:24

Chun, Assuria lalin Babulon khuoa mihai, Kutha khuoa mihai, Ava khuoa mihai, Hamath khuoa mihai, Sepharvaim khuoa mihai ân cha suok a; Samari ram khuoahai chun Israel mihai hmun ân hluotir a, chuongchun, Samari ram chu an hluo a, a khuoahai chun an um ta a.

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

FESUOKNA 9:28

Hun ta raw se, riel le vâninrûm ri nasatakhai hi a bona dingin Lalpa chu hni la, chuongchun, infetir ka ti cheu, um ta hrim hrim naw ti niu,” a ti a.

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai Lalpa a nih).

JEREMIA 15:11

Lalpa chun, “Titakzetin, thil ṭhaa dingin sukdet ka ti che a; titakzetin, tuor lai huna le thil ṭha naw hung tlung huna chun i hmêlmahai chun i kuoma hnina siem dingin inumtir ka tih,” a tih.

JEREMIA 21:3

Jeremia chun an kuomah, “Zedekia kuoma chun hieng hin hril ro:

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia Lalpa kuoma inthawka Jeremia kuoma thu hung tlung chu:

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “Lalpa kuoma inthawkin thu a um?” a ti a. Chun, Jeremia chun “A um”, a ti a. “Babulon lal kutah pêkin i um ding a nih,” a ti bawk a.

JEREMIA 37:3

Chun, lal Zedekia chun Selemaia naupa Jehukal le, thiempu Maaseia naupa Zephania chu zâwlnei Jeremia kuomah, “Tuhin keini ta dingin, Lalpa kan Pathien kuoma chun ṭawngṭai rawh”, ti dingin a tir ta a.

JEREMIA 37:7

“Lalpa Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nangma ṭhangpui dinga hunghai chu, an ramah Aiguptaa bawk chun kîr nâwk an tih.

EZEKIEL 7:26

Sietna chunga siet nâwk zuolna hung tlung a ta, thuthang chunga chun thuthang um a ta; chun, zâwlnei thilhmulâwkhai chu zawng an ta, nisienlakhawm, thiempua inthawkin dân le, mi hluihaia inthawkin thurâwn chu bohmang tâng a tih.

RORELTUHAI 20:27

Chun, Israel thlahai chun Lalpa an râwn a, (chuong lai chun chutaka chun Pathien Thuthlung bâwm chu a um a;

1 SAMUEL 10:22

Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim naw a; chuleiin, ka thaw ding mi hril dingin ka ko el che a nih,” a ta.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.