JEREMIA 2:2 - Pathien Lekhabu Inthieng (BSI)

² “Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 2:2 Iomraidhean Croise

INPÂKNA HLABU 129:1

“Ka naupang chîntea inthawk mihaiin vawi tamtak an mi suklungzîng a,” Israelhaiin ti raw se.

FESUOKNA 14:31

Israelhai chun Aigupta mihai chunga Lalpain thil ropuitak a thaw chu an hmu a, mipui chun Lalpa chu an ṭi ta a; Lalpa le a siehlaw Mosie chu an ring ta a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

THUVARHAI 1:20

Varna chu kawtthlêra chun inringtakin a khêk a; Khawlaiahai chun a râwl chu ân suo a.

HLAHAI HLA 3:11

Aw nangni Zion naunuhai, fe suok unla, lal Solomon chu en ro, Nuhmei a nei nia le a lungril a hlim nia a nuin lallukhum ân khumtir kha.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 11:6

Chun, Lalpa chun ka kuomah; Jerusalem kawtthlêrahai po po le, Juda khawpuiahai po po chun hienga hril hin va phuong rawh: Hieng thuthlung thuhai hi ngai unla, thaw ro.

JEREMIA 19:2

Hinnom naupa phairuom, Harsith dâi kawtkhâr lûtna bula uma chun fe unla, chutaka chun thu ka hril che chu hril suok rawh.

JEREMIA 2:1

Chun, Lalpa thu chu ka kuomah a hung tlung a,

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

JEREMIA 3:4

Tuta inthawk hin, ‘Ka pa, nang chu ka tleirâwlna ṭhuoitu i nih,’ tiin ka kuomah i khêk naw dîm a nih?

JEREMIA 7:2

“Lalpa in dai kawtkhâra chun ngîr la, chutaka chun hi thu hi puongdar la, hieng hin hril rawh: Lalpa be dinga hi dai kawtkhârhaia lût, nangni Juda mihai po po, Lalpa thu hi lo hre ta u.

EZEKIEL 16:22

I nawchizawrna le i tirdakumnahai poa hin i tleirâwl lai nihai, saruok le ruoka i um a, i thisena în sukpawrche lai kha i hriet zing ta naw a nih.

EZEKIEL 16:60

Nisienlakhawm, i tleirâwl lai nihaia nang le ka thuthlung chu hre zing ka ta; chun, nang le chun chatuon thuthlung indin ka tih.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

EZEKIEL 23:19

Nisienlakhawm, Aigupta rama nawchizawr thil a thaw lai, a tleirâwl lai nihai chu hre zingin, a hurnahai chu a la belsa ta rawp a.

EZEKIEL 23:3

Aiguptaa chun nawchizawr sin an thaw a, an tleirâwla inthawkin nawchizawr sin chu an thaw a, an nênehai chu hmet a na, chuongchun, an nunghâk inthieng lai nêne chu hmet zêk a na.

EZEKIEL 23:8

Aiguptaa umna nihaia inthawk ta khan a nawchizawr chu a ma naw a, a tleirâwl lai an lo zâlpui a; a nunghâk inthieng nêne hmûrhai chu an lo sukhliem ta si a; chuongchun, an hurna chu a chunga chun an lo bunthlâk ta a.

HOSEA 11:1

Israel chu a naupang lai huna inthawk khan ka hmangai a, Aigupta rama inthawkin ka naupa dinga ka ko suok a nih.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

HOSEA 2:17

A baua inthawkin Baal hminghai hi ka lâkhmangpêk ding a ni si a; an hming hi sâm ni ta hrim hrim naw nih.

HOSEA 2:7

Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

HOSEA 8:1

Tawtawrâwt chu i hmûrah inbûk rawh; Lalpa sûnghai chungah mupui angin a hung ie; Ka thuthlung an bawsiet a, Ka dân an helsan leiin.

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

JONA 1:2

“Tho la, Ninevi khuo, khawpui ropuitaka chun fe la, a chunga thu tlânginsampui rawh; an rîtlona chu ka hmaah a hung tlung ta si a,” tiin.

MATTHAI 11:15

Tukhawm hrietna dinga na nei chun hre raw se.

LUKA 12:13

Mipui laia mi tuin amanih Isu kuomah, “Inchûktirtu, ka u kuomah ro mi sem ve dingin hril rawh,” a ta.

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

THUPUONGSUO 2:4

Nisienlakhawm, demna che ka nei a nih, i hmangaina hmasatak kha i bân tâk leiin.