JEREMIA 1:3 - Pathien Lekhabu Inthieng (BSI)

³ Juda lal Josia naupa Jehoiakim hun lai, Juda lal Josia naupa Zedekia kum sâwm pakhat kum tâwp chen; Jerusalem sala ṭhuoihmanga a um a thla ngana chenin a la hung tlung zing a.

JEREMIA 1:3 Iomraidhean Croise

2 LALHAI 23:34

Chun, Pharao-Neko chun Josia nau Eliakim chu a pa Josia aia chun ân laltir a, a hming chu Jehoiakim tiin a thlengpêk a; Jehoahaz ruok chu a ṭhuoi dai a; Aigupta ramah a fe a, chutaka chun a thi ta a.

2 LALHAI 24:17

Chun, a pa unau Mattania chu Babulon lal chun ama aiin ân laltir a, a hming chu Zedekia tiin a thlengpêk a.

1 CHANCHIN SUINA 3:15

Chun, Josia naupasalhai chu, a upa tak chu Johanan a na, a pahnina chu Jehoiakim a na, a pathumna chu Zedekia a na, a palina chu Sallum a nih.

JEREMIA 1:4

Chun, Lalpa thu chu ka kuomah a hung tlung a:

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia Lalpa kuoma inthawka Jeremia kuoma thu hung tlung chu:

JEREMIA 35:1

Juda ram lal Josia naupa Jehoiakim hun laia Lalpa kuoma inthawka Jeremia kuoma thu hung tlung chun hieng hin a tih:

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 39:2

chun, Zedekia inlal kum sâwmpakhatna, thla lina, chu thla ni kuo ni chun chu khawpuia chun suksietna chu a um ta a.

ZEKARIA 7:5

“Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.