JAKOB 5:5 - Pathien Lekhabu Inthieng (BSI)

⁵ Khawvêla hin inhawitirtakin in um a, in insukthâm mei mei a; in that niin in lungril in suktlai a.

JAKOB 5:5 Iomraidhean Croise

INPÂKNA HLABU 17:14

Aw Lalpa, i kutin mihriemhaia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

INPÂKNA HLABU 73:7

Thâu leiin an mit a pâwng a, Lungrila duthusam nêka nasa an nei a.

THUVARHAI 17:1

Inhal puma ruoiṭhe rawpna insûng nêk chun, Lungdamtaka bu bâr khat fâkna a ṭha lem.

THUVARHAI 7:14

“Inremna thilinhlânhai inthâwina inhlân ding ka ni a, Hi ni hin ka thutiemhai chu kân thien ta a.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

ISAI 22:13

nisienlakhawm, ngai ta, hlimna le lâwmna dâm, bâwng thatna le berâm thatna dâm, sa fâkna le uoin dâwnna dâm a um ta lem a. “Fain dâwn ei tiu khai, zinga chun ei thi el ding a ni si a,” an ti a.

ISAI 3:16

Chu naw khawm chu Lalpa chun, “Zion naunuhai chu chapotaka an um a, dâk âwr le mi mel kara an lâwn a, an lâwn chu ieng le angin an lâwn a, an kehai an tet ri sawr sawr leiin;

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

JEREMIA 12:3

Nisienlakhawm, aw Lalpa, nang chun i mi hriet a, i mi hmu a, nanga tienga chun ka lungril chu i fie a, sathattu ta dinga berâmhai ang chun kei suok la, thatna ding nia ang chun anni chu buotsai rawh.

JEREMIA 25:34

Nangni berâmpuhai, inrûm unla, khêk ro; nangni ran ruol hotuhai, vutah nangni le nangni intleng ro; that in nina ding ni chu a hung tlung ta a, nangni chu kei nâwi neng ka ti cheu a, bêl ditumtak angin tlûng in tih.

EZEKIEL 16:49

Ngai ta, hi hi i zuorpui Sodom suolna chu a nih; ama le a naunuhaia chun chapona, bei ditkhawp, hausaka inhawitirna a um a, mi tlasamhai le mi rimsihai chu a ṭhangpui chuong nawh.

EZEKIEL 39:17

“Chun, nang mihriem naupa, Lalpa Pathien chun hieng hin a tih; ramhnuoia sa tinrêng le, vate chi tinrênghai kuoma chun thu hril la, hieng hin hril rawh: Hung inkhâwm unla, hung ro, sa chu in fâka thisen chu in dâwn theina dingin Israel tlâng chunghaia inthâwina ropuitak, in ta dinga kân thâwina, kân thâwina sîr tina inthawkin hung inkhâwm ro.

AMOS 6:1

“Zion tlânga inhawitir taluoa umhai le, Samari tlânga himtaka umhai le hnam lientak mi ropuihai, an kuoma Israel sûngkuohai an fenahai chu an chung a rik ie!

LUKA 16:19

“Chun, mi hausa tû amanih a um a, puon senduk le puon zai inhmitak a sil a, ni tin inhawitirtakin a um hlak a.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:13

Sûna um angin mawitakin um ei tiu, zu dâwn buoi le zu inruia um lovin, hur le indit hmanga um lovin, insuol le inîtthîka um lovin,

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

2 PETER 2:13

Thil suksuol manin thilsuol tuor an tih. Sûna ruoiṭhe buoi inhawiti mi an nih. In kuoma ruoi an ṭhein, anni inhlêmna ruoi ṭhe an ni leiin, inthieng nawna kaihai le thil khawhlohai an na;

JUDA 1:12

Chuonghai chu, zakmawtaka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an ni a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawk tahai an nih;

THUPUONGSUO 18:7

“Ân sukropui le ân hawitirzie ang pei khan sawisain suklungngai thung ro; a lungril chun, ‘Lalnuin ka ṭhung a nih, hmeithai hrim ka ni naw a, lungngaina hmu dêr naw ningah’, a ti si a.

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.

1 SAMUEL 25:6

chun, mi neinungtakpa kuoma chun hieng ang hin hril ro, ‘I chunga dâm, i sûngkuohai chunga dâm, i nei po po chunga dâm, lungmuongna um raw se.