JAKOB 5:16 - Pathien Lekhabu Inthieng (BSI)

¹⁶ Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

JAKOB 5:16 Iomraidhean Croise

INṬANNA 19:29

Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.

INṬANNA 20:17

Chuongchun, Abraham chu Pathien kuomah a ṭawngṭai a; chun Pathienin Abimelek le a nuhmei le a suoknuhai chu a sukdam nâwk a; chuongchun, nauhai an hung nei nâwk ta a.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwlnei a ni si a, ṭawngṭaipêk a ti che a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a ti a.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

2 SAMUEL 19:19

Chun, lal kuoma chun, “Ka lalpa chun khawhlona neiah mi ruot naw hrâm sienla, lalpa ka puin Jerusalem a suoksan nia i siehlaw hin indik nawtaka a lo thaw tahai kha hre zing bawk naw la, lal chun lungrilah vawn zing naw raw se.

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin Lalpa i Pathien ngên la, mi ṭawngṭaipêk ta khai,” a ta. Chun, Pathien mi chun Lalpa kuoma chun a ngên a; chun, lal kut chu a hung dam nâwk ta a, a hma ang bawkin a hung um nâwk ta a.

2 CHANCHIN SUINA 30:20

Chuongchun, Lalpa chun Hezekia ṭawngṭaina chu a lo ngai a, mipuihai khawm chu a lo sukdam ta a.

JOB LEKHABU (THE BOOK OF JOB) 42:8

Chuleiin, tuhin bâwngchal pasari le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si naw a,” tiin.

INPÂKNA HLABU 34:15

Lalpa mit chun mi felhai tieng a en hlak a, Ama chun an khêk hre dingin a ngai zing hlak.

FESUOKNA 17:11

Mosiein a hmawl ân let sûng po chu Israelhai chun an hne a, chun, a kut a lâkthlâk phingleh Amalekhai chun an hne ve thung pei a.

FESUOKNA 9:33

Mosie chu Pharao kuoma inthawka khawpui puoah a suok chun, Lalpa kuom tieng a kut chu a phar ta a; chun, vâninrûmhai le riel chu a ma ta a, hnuoi chunga chun ruo khawm a sûr ta naw a.

THUVARHAI 15:29

Mi khawhlova inthawkin Lalpa chu a hla a, Mi fel ṭawngṭâina ruok chu a hriet hlak.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

NAMBAR 11:2

Chuongchun, mipuihai chun Mosie an ko a; Mosie chu Lalpa kuomah a ṭawngṭai a, mei chu a rêm ta a.

MATTHAI 21:22

Chun, iengkim ringtaka ṭawngṭaia in hni taphawt chu hmûng in tih,” a ta, a dawn a.

MATTHAI 3:6

an suolhai thupha chawiin Jordan vadungah ama kuomah Baptisma an chang tâwl a.

MARKA 1:5

Chun, Judai rama mi po po le Jerusalema mi po pohai chu a kuomah an fe a, an suolhai thupha chawiin Jordan vadungah a kuomah baptisma an chang tâwl a.

LUKA 9:6

Chuongchun, an fe ta a, khuo an fang pei a, ram tinah Chanchin Ṭha an hril a, mi an sukdam pei a.

JOHAN 9:31

Pathienin mi suol thu a ngai ngai nawh ti ei hriet; nisienlakhawm, tukhawmin Pathien a ngaisak a, a dit zâwng a thaw chun, Pathienin ama chu a thu a ngai hlak.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 19:18

Chunawa khawm, ringtu hung ni tah tamtak chu inpuongin an thil chînghai an hril suok a.

THILTHAWHAI 8:24

Chun, Simonin, “In thil hril hi ka chunga iengkhawm a tlung nawna dingin nangnîn Lalpa kuomah mi ṭawngṭaipêk ro,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:10

“Tukhawm mi fel hrim an um nawh. Pakhat bêk khawm an um nawh,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:19

Mi pakhat thu awi nawna lei khan mi tamtak chu mi suol an hung ni tah; chuong ang bawkin mi pakhat thuawi lei khan mi tamtak chu mi fel hung nîng an tih.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

1 THESSALONIKA 5:17

ma lovin ṭawngṭai unla,

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

1 THESSALONIKA 5:25

Unauhai, mi ṭawngṭaipêk ro.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

HEBRAIHAI 12:13

chun, kebai chu sukpelsawl lova, sukdama a um lemna dingin, in kehai ta dingin lampui tlûnhai siem ro.

HEBRAIHAI 13:18

Kan ta dingin mi ṭawngṭaipêk ro, iengkimah feltaka um tumin, sie le ṭha hrietna inthiengtak kan nei ti indiktakin kan inhriet si a.

JOSUA 10:12

Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.

1 SAMUEL 1:12

Chun, Lalpa hmaa a ṭawngṭai zing lai chun Eli chun a hmûr châng chu a lo inchik a.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin Lalpa chu ko ka ta; chuongchun, lal in hni thua hin Lalpa mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:18

Chuongchun, Samuel chun Lalpa chu a ko a, Lalpa chun chu ni chun vân ân rûmtir a, ruo ân sûrtir ta a; chuongchun, mipui chun Lalpa le Samuel chu an ṭi ta êm êm el a.