JAKOB 5:13 - Pathien Lekhabu Inthieng (BSI)

¹³ Nangni lai thil ṭha naw tuor an um am? Ṭawngṭai raw se. Hlim an um am? Inpâkna hla sak raw se.

JAKOB 5:13 Iomraidhean Croise

1 CHANCHIN SUINA 16:9

Ama chawimmawiin hla sak unla,ama inpâkin sak ro; A thilmak thaw po po thu hril ro.

JOB LEKHABU (THE BOOK OF JOB) 33:26

Pathien kuoma chun ṭawngṭai sienla, ama chun lo dawn a tih, Chuongchun, a hmêl chu hlimin um a tih, Mi kuoma chun a felna chu a pêk kîr nâwk ding leiin.

INPÂKNA HLABU 105:2

Ama chawimawiin hla sak unla, ama inpâkin sak ro; A thilmak thaw po po thu chu titi ro.

INPÂKNA HLABU 118:5

Ka lunginzîngnaa inthawkin, Lalpa chu ka ko a, Lalpa chun a mi dawn a, hmun inthâwl takah a mîn umtir ta a.

INPÂKNA HLABU 18:6

Ka lunginzîngin Lalpa chu ka ko hlak a, Ka Pathien ka ko hlak; Ama chun a biekina inthawk chun ka râwl chu a hriet a, A hmaa ka khêkri chu a naah a lût ta a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

INPÂKNA HLABU 95:2

Lâwmthu hrilin a hmaah fêng ei tiu khai; Inpâkna hla saka ama chawimawiin hlimtakin râwl insuong ei tiu.

ISAI 65:14

ngai ta u, ka siehlawhai chu lungrila an lâwm leiin hlimtakin hla sak an ta, nangni ruok chu lungrila in lungngai leiin ṭap in tih, thlaraua in lungngai leiin khêk rak rak in tih.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

JONA 2:2

Hieng ang hin a ti a: “Ka rinumna leiin Lalpa chu ka ko a, Ama chun a mi lo dawn a; Seol phîng sûnga inthawk chun ka ko a, Nangin ka râwl chu i hriet a.

JONA 2:7

Ka hringna chu ka sûnga a chau lai chun, Lalpa chu ka hriet zing a; Ka ṭawngṭaina chu i biekin inthienga chun i kuomah a hung tlung a nih.

MIKA 4:5

Chi tin mâni pathien hming sengin um an ta, eini khawm Lalpa ei Pathien hmingin kumkhuoin um ei tih.

MATTHAI 26:30

Chun, hla an sak zoin an suok a, Oliv tlânga chun an fe ta a.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

LUKA 23:42

Chun, “Isu, i ramah lala i hung phaleh, mi hre zing rawh aw,” a ta.

1 KORINTH 14:15

Iengtin am ni tâng a ti leh? Thlarauin, ṭawngṭai ka ta, hriettheina khawmin ṭawngṭai bawk ka tih; thlarauin hla sak ka ta, hriettheina khawmin sak bawk ka tih.

1 KORINTH 14:26

Unauhai, iengtin am ni tâng a ta? In hung inkhâwmin inpâkna hla amanih, thu inchûktirna amanih, inhriettirna amanih, ṭawng hrietlo amanih, hrilfiena amanih in nei seng hlak. Iengkim siem ṭhatna dingin thaw ni raw se.

EPHESI 5:19

Inpâkna hlahai, Pathien hlahai, thlarau tieng hlahaia inbe tuoin, Lalpa chu in lungrilah hla sakpêkin, ṭingṭang kei pêk ro.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

JAKOB 5:10

Unauhai, Lalpa hminga thu hriltu le zâwlneihai chu, tuor dân le sel dân kawnga chun, enkhi dingin hmang ro.

THUPUONGSUO 14:3

lalṭhungpha hmaa le, thilhring pali le upahai hmaa chun hla thar ni âwmtak hi an sak a; chun, hnuoia inthawka intlan tah, mi nuoi khat le sîng li le sâng li chau naw khan chu, tûkhawmin chu hla chu an inchûk thei nawh.

THUPUONGSUO 7:10

chuonghai chun rawl inringtakin, “Ei Pathien lalṭhungphaa ṭhung kuoma le, Berâmte kuomah sandamna,” tiin an khêk a.