JAKOB 5:11 - Pathien Lekhabu Inthieng (BSI)

¹¹ Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

JAKOB 5:11 Iomraidhean Croise

1 CHANCHIN SUINA 21:13

Chun, David chun Gad kuoma chun, “Nasatakin ka lunginzîng a,Lalpa kutah a tlûkin tlulût phawt el ka tih; a zângaina chu a nasa si a, chuleiin, mihriem kuta chun mîn tlûktir êm naw nih,”a ta.

2 CHANCHIN SUINA 30:9

Lalpa kuom tieng in nghakîr nâwk chun, in unauhai le in thlahaiin sala ṭhuoituhai hmaa chun lunginsietna dawng an ta, hi rama hin hung nâwk an tih, ama kuomah in kîr phawt chun Lalpa in Pathien ngilneitak le zângai theitak a na, nghatsan naw ni cheu,” tiin.

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

NEHEMIA 9:31

Nisienlakhawm, i zainêmna nasatak chun an tâwp sawng elna ding chu în tlungtir naw a; i thlathlam chuong bawk nawh, Pathien mi lunginsiet theitak, lainatnaa sip i ni si a.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 1:2

Ama chun naupasal pasari le naunuhmei pathum a nei a.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

INPÂKNA HLABU 103:13

Pain a nauhai a lunginsiet ang hin, Lalpa chun ama ṭituhai chu a lunginsiet hlak.

INPÂKNA HLABU 103:8

Lalpa chu lainatnaa sip, mi lunginsiet theitak, Lunginuoitak, ngilneina hautak a nih.

INPÂKNA HLABU 116:5

Lalpa chu mi lunginsietthei le feltak a na, Anih, ei Pathien chu mi lainattheitak a nih.

INPÂKNA HLABU 119:132

Keia tieng hung ngha la, mi lunginsiet rawh, I hming ngainatuhai i lunginsiet ang khan.

INPÂKNA HLABU 145:8

Lalpa chu mi lunginsiet thei, lainatnaa sip, Lunginuoi, ngilneina nasatak nei a nih.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 78:38

Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

INPÂKNA HLABU 94:12

Mi i thunun a, i dân thua inthawka i inchûktir chu, Aw Lalpa, a hamṭha.

FESUOKNA 34:6

Lalpa chun a hmatieng a lekhêl a, “Lalpa chu, Lalpa chu Pathien, lainatnaa sip, mi lunginsietthei, lunginsen intak, zângaina le thutak hau,

THUHRILTU 7:8

Thil chu a ṭanna nêkin a tâwp chu a ṭha lem a; Lungrila zaidawthei mi chu lungrila chapo nêkin a ṭha lem.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta si a;

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

NAMBAR 14:18

‘Lalpa chu lung inuoitak, zainêmna hau, rîtlonahai le bawsietnahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

LUKA 1:50

A hming khawm ân thieng a nih, A ṭituhai chu suon po po chenin a lunginsiet pei hlak.

LUKA 11:10

Tûkhawm a hni taphawt chun an hmu hlak; tûkhawm a zawng chun an hmu hlak, tûkhawm a nawk chu hawngpêk ning an tih.

LUKA 6:36

In Pain mî a lunginsiet angin mî lunginsiet ve ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 2:4

Nisienlakhawm, Pathien chun lunginsietna a hauin, a mi hmangaina nasatak lei khan,

HEBRAIHAI 10:39

Nisienlakhawm, eini chu bohmang dinga hnungtawl pâwla mi ei ni naw a, hringna humhim dinga ringna nei pâwla mi ei ni lem.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 1:2

Ka unauhai, thlêmna tinrêng in tuok hnungin lâwmna ruokah ngai ro,

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;