JAKOB 4:9 - Pathien Lekhabu Inthieng (BSI)

⁹ Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.

JAKOB 4:9 Iomraidhean Croise

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi Lalpa in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an ti a. Dân thu chu an hrietin mipui po po chu an ṭap an ṭap el si a.

JOB LEKHABU (THE BOOK OF JOB) 30:31

Chuleiin, ka ṭingṭang chu sûnnaah ân chang a, Ka theihle chu mi ṭaphai râwlah ân chang bawk a.

INPÂKNA HLABU 119:136

Ka mitthli hi vadung tui angin a luong thla a, I dân an zâwm naw leiin.

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 119:71

I thuruothai chu kân chûk thiem theina dinga, Sukrinuma ka lo um kha ka ta dingin a ṭha a nih.

THUVARHAI 14:13

Innuinaa ngei khawm lungril chu a lungngai a, Chu hlimna tâwpna chu chungrikna a nih.

THUHRILTU 2:2

Innui ngawt el chu “Invêtna”, a ni a, Nunkhuo phâm hlak ienga ṭhangkai a ni nawh ti ka hriet suok ta a.

JEREMIA 31:13

Chun, nunghâk inthienghai chu, tlangvâlhai le, upahai le chun lâmnaa chun hlim an ta; an lusûnna chu hlimnaah kân changtir ding a ni si a; chun, anni chu thlamuon ka ta, an lungngainaa inthawk chun sukhlim tâng ka tih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

ṬAP HLA 5:15

Kan lungril hlimna a bo a, Kan lâmna chu lusûnaah ân chang a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

MATTHAI 21:41

Anni chun a kuomah, “Chuong mi suolhai chu rimsitakin sukbohmang a ta, grêp huon chu lo enkawltu dang, a lo pha po leh a rahai chu a kuomah pe pei dinghai kuomah thlohlaw dingin pêng a tih,” an ta.

MATTHAI 5:4

“Thlainvaihai chu an hamṭha; thlamuongin an la um ding a ni si a.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

LUKA 6:21

“Nangni tuta phîngṭamhai, in hamṭha ie; in la khawp ding a ni si a. “Nangni tuta ṭaphai, in hamṭha ie; in lân nui ding a ni si a.

LUKA 6:25

“Nangni tuta khawphai, in chung a rik ie; in phîng a la ṭâm ding a ni si a. “Nang ni tuta innuihai, in chung a rik ie; lungngaiin in la ṭap ding a ni si a.