JAKOB 4:8 - Pathien Lekhabu Inthieng (BSI)

⁸ Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

JAKOB 4:8 Iomraidhean Croise

INṬANNA 18:23

Chun, Abraham chun a va hnai a, “Mi felhai chu mi suolhai lai chun i sukbohmang ve ding am a nih?

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

JOB LEKHABU (THE BOOK OF JOB) 16:17

Ka kutahai chun inrawmna a um naw a, Ka ṭawngṭaina chu ân thieng a.

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

JOB LEKHABU (THE BOOK OF JOB) 9:30

Vûrtuiin kei chu insilin, Ka kuthai chu changalin sâwp lang khawm,

INPÂKNA HLABU 119:113

Lungril mumal neilo mihai chu ka theida a, I dân ruok chu ka ngaina a nih.

INPÂKNA HLABU 145:18

Lalpa chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 18:20

Lalpa chun ka felzie ang ngeiin ka chungah a thaw a, Ka kuthai ân thieng ang ngeiin a mi thung a nih.

INPÂKNA HLABU 24:4

Kut fai le lungril inthieng neia, A lungril teplo mei mei tienga sie ngailo: Hlêm tuma inkhâm ngailo mi chu.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

INPÂKNA HLABU 73:13

A thlâwn elin a nih, ka lungril hi ka sukfai a, Ka kuthai demkailonaa ka sâwp chu.

INPÂKNA HLABU 73:28

Keia ta ding chun Pathien hnai hi a ṭha a nih; Lalpa Pathien chu kân humhimna dingin ka hmang a, I sinthaw po po thu ka hril theina dingin.

ISAI 13:15

Tukhawm an hmu taphawt sunthlengin um an ta, tukhawm an man taphawt kâwlhnâma sukthlûkin um an tih.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

JEREMIA 4:11

Chu huna chun chu hnam le Jerusalem kuoma chun, “Thlalêra bâwlhmunhaia inthawkin ka mihai naunuhai tienga chun thli lum tak, mûtdeina ding ni si lo, sukfai ding khawm ni lo;

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

ṬAP HLA 3:57

Nang ka hung ko ni chea chun i hung hnai a; “Ṭi naw rawh,” i ta.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

ZEKARIA 1:3

Chuleiin, nangin an kuomah, Lalpa chun, hieng hin a tih tiin hril rawh: Sipaihai Lalpa chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai Lalpa chun a tih.

MALAKI 3:7

“In thlatuhai hunhaia inthawkin ka thupêkhaia inthawk chun in inher hmang a, in lo pawm ta naw a. Ka kuomah hung kîr unla, kei khawm in kuomah hung kîr ka tih, sipaihai Lalpa chun a tih. Nangni hlak chun, ‘khâwtieng am hung kîr kan ta?’ in ti lem a.

MATTHAI 12:33

“Thing chu a ṭha a, a ra khawm a ṭha, in ti naw nghâl an leh, thing chu a sie a, a ra khawm a sie, ti nghâl nghâl ro; thing chu a rain ân hriet si a.

MATTHAI 15:2

“Iengdinga i închûktirhaiin upahai thurosie chu an bawsiet hlak am a na? Bei an fâk pha kut an sâwp ngai si naw a,” an ta.

MATTHAI 27:24

Chuongchun, Pilatin iengkhawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nangnîn in thaw thawin thaw ro,” a ta.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

1 TIMOTHE 2:8

Chuongchun, pasalhaiin hmun tinah kut inthieng pharin, lunginsen lo le insêl lovin ṭawngṭai hai sienla ka nuom a nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.

JAKOB 1:8

mi lungril bulbâl nei naw, a thil thaw po poa det naw mi chun.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.

1 SAMUEL 14:35

Chun, Saula chun Lalpa ta dingin mâichâm a siem a, chu chu Lalpa ta dinga mâichâm siem hmasa tak a nih.