JAKOB 4:11 - Pathien Lekhabu Inthieng (BSI)

¹¹ Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni naw a, rorêltu i ni lem.

JAKOB 4:11 Iomraidhean Croise

INPÂKNA HLABU 140:11

Thu ṭha naw hriltu chu hnuoia hin sukdetin um naw ni a, Mi nunrâwng sukse dingin thil ṭha nawin tlâkbuok a tih.

LUKA 6:37

“Sawisêl naw ro, chuongchun, sawisêlin um naw ti niu. Tukhawm thiemnawah ruot naw ro, chuongchun, inthiemlovin um naw ti niu. Ngaidam ro, chuongchun, ngaidamin um in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawisêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:13

Dân hretu ringawthai chu Pathien mithmuin mi fel an ni naw a, Dân anga thawtuhai chu mi fela tiemin um lem an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:7

Ieng am hril tâng ei ta? Dân chu suol am a nih? Teu lo e a; Nisienlakhawm, Dân leia hriet ni naw sien chu suol ka hriet naw ding bah; Dân chun, “Inhnar naw,” ti naw sien chu inhnar hi ka hriet naw ding bah.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lungsennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.

2 TIMOTHE 3:3

hmangaina insiengpui nei naw dâm, mi nunrawng dâm, hêktu dâm, insûm thei naw dâm, mi ṭium dâm, ṭhat nuom dêr lo dâm,

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

JAKOB 1:16

Ka unau dittakhai, hlêmin um naw ro.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;

JAKOB 1:25

Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.

JAKOB 2:8

Nisienlakhawm, Pathien Lekha thu, “Nang în hmangai angin i vênghai i hmangai ding a nih,” ti lal dân hi in zâwm chun, in thaw ṭha;

JAKOB 5:10

Unauhai, Lalpa hminga thu hriltu le zâwlneihai chu, tuor dân le sel dân kawnga chun, enkhi dingin hmang ro.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,