JAKOB 3:4 - Pathien Lekhabu Inthieng (BSI)

⁴ Ngai ta u, lawnghai khawm hi a lien hleh a, thli natak imût lêngin a um hlak a, nisienlakhawm, a sukhertu chun ân fetir nuomna tieng phawtah sukherna chîterekin a sukher hlak.

JAKOB 3:4 Iomraidhean Croise

JONA 1:4

Nisienlakhawm, Lalpa chun thli natak el tuipuia chun ân hrângtir a, tuipuia chun thlipui nasatak el chu a hrâng ta a; chuongchun, lawng chu kawi ding ang elin a um ta a.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 8:24

Chun, ngai ta, dila chun thlipui nasatak a hung hrâng a, chuongchun, tuifâwn chun lawng chu a chîm pup pup el a; ama ruok chu a in a.

THILTHAWHAI 27:11

Nisienlakhawm, sipai za hotu chun, Paula thu hril nêk chun lawngpu le lawng neitu thu hril a awi lem a.

JAKOB 3:3

Ngai ta u, ei thu an awi theina dinga sakawr bauahai thîrbar ei inba chun an taksa pum khawm ei kei her hlak.

JAKOB 3:5

Chuong ang bawkin, lei khawm hi taksa pêng chîterek a na, nasatakin a uong hlak. Ngai ta u! mei chîterekin ram a va kâng nasa de!