JAKOB 3:3 - Pathien Lekhabu Inthieng (BSI)

³ Ngai ta u, ei thu an awi theina dinga sakawr bauahai thîrbar ei inba chun an taksa pum khawm ei kei her hlak.

JAKOB 3:3 Iomraidhean Croise

2 LALHAI 19:28

Ka chunga i lunginsen lei le, i ṭawng uong chu ka naa a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah, i hungna lampuia ngei khan inkîrtir nâwk ka ti che,’ tiin.

JOB LEKHABU (THE BOOK OF JOB) 41:13

A silfên chunghnung chu tuin am hâwk ngam a ta? Tuin am thîrse thuo hni hung insêdetir thei a ta?

INPÂKNA HLABU 32:9

Ngaituona nei naw sakawr amanih, sabengtung amani angin um naw ro, Anni chun chelngîrna ding thîrbar amanih, keingîrna dinga hrui dâm an ṭûl hlak si a; Chuong naw chun i kâwl hnaiah hung naw ni hai.

INPÂKNA HLABU 39:1

Ka lei hin thil ka suksuol nawna dingin, Ka umdânhai hi vêng ṭhang ka ta; Mi rilohai ka hmaa an um sûng po, Ka bau hi hmûrkhitnain khit ka tih, ka ti a.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

JAKOB 1:26

Tûkhawm sakhaw ngaisak nia inringa, a lei vêng ṭha si lova, mâni lungrila inhlêm lemtu chu, chu mi sakhaw biek dân chu iengkhawm a ni nawh.

JAKOB 3:4

Ngai ta u, lawnghai khawm hi a lien hleh a, thli natak imût lêngin a um hlak a, nisienlakhawm, a sukhertu chun ân fetir nuomna tieng phawtah sukherna chîterekin a sukher hlak.