JAKOB 2:5 - Pathien Lekhabu Inthieng (BSI)

⁵ Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

JAKOB 2:5 Iomraidhean Croise

1 LALHAI 22:28

Chun, Mikaia chun, “Lungmuongtaka i hung nâwk tâk leh, Lalpain kei mi hmang hin thu a hril naw nîng a tih,” a ta. Chun, ama ma chun, “Nangni mipuihai, in rêngin lo hre seng ro,” a ta.

JOB LEKHABU (THE BOOK OF JOB) 34:10

Chuleiin, nangni hrietthiemna neihai, mi lo ngai ta u, Rîtlona thâwng a tih ti hi Pathiena inthawka hlatak a ni ding a na, Suolna thâwng a tih ti hi, Iengkimthawtheia inthawka hlatak a ni ding a nih.

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

JOB LEKHABU (THE BOOK OF JOB) 38:14

Namna hnuoia pilpawk angin sukdanglamin a um a, Silfên angin piengzie a hung nei a.

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni si a.

THUVARHAI 13:7

Ama le ama insukhausa a, iengkhawm nei silo a um a, Ama le ama insukpase a, hausakna nasatak nei a um bawk.

THUVARHAI 7:24

Chuleiin, tuhin ka naupasalhai, mi lo ngai unla, Ka baua thuhai hi pawisa ta u.

THUVARHAI 8:32

Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.

ISAI 14:32

Philistin hnam palaihai chu iengtin am dawn ei ta le? “Lalpain Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, Lalpa hming chu ring tâng an tih.

ZEKARIA 11:11

Chuongchun, chu ni chun sût a lo ni ta a, chuongchun, berâm ruol, nang kei mi pawisatu chun Lalpa thu a nih ti i hriet a.

ZEKARIA 11:7

Chuongchun, sathattu berâm ruol chu ka châwm a, berâm ruol chautak el nang chu. Chun, hmawl pahni ka lâk a, pakhat chu Ditsak kân bûk a, a dang chu Pumkhatna kân bûk a; chun, berâm ruol chu ka châwm ta a.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

MARKA 7:14

Chun, mipui chu a ko nâwk a, an kuomah, “In rêngin ka thu hi lo ngâi seng unla, a ngâi lo thiem ta u;

LUKA 12:21

“Mâni ta dinga sum inkhâwl a, Pathien tienga hau si naw chu, chuong ang chu a ni hlak,” a ta.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 16:22

Chun, hieng ang hi a na, kutdaw chu a thi a, vântirkohaiin an fepui a, Abraham ângsûngah an sie a. Mi hausa khawm chu a thi a, phûmin a um ta a.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

LUKA 22:29

ka Pain ram a mi ruotpêk angin ram ka ruotpêk cheu hi,

LUKA 6:20

Chun, a dâk suok a, a închûktirhai chu a en a, “Nangni rimsihai, in hamṭha ie, Pathien ram in ta a ni si a.

JOHAN 7:48

Hotuhai le Pharisaihai laia mi hrim hrim ama ring an um ta am a nih?

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

2 KORINTH 4:15

Iengkim nangni ṭhatna ding a ni si a, lunginsietna chu mi tam lem zâra sukpunga umin, Pathien ropuina dinga lâwmthu nasatak ân hriltir theina dingin.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

EPHESI 1:18

Chuongchun, in lungril mithai sukvara umin hieng hi hung hre thei in tih:

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

2 THESSALONIKA 1:5

Chuong chu Pathien rama mi ni tlâka ruot in ni thei ding a nih ti Pathien rorêl feltak inchikna fietak a nih, chu ram leia chu tuor in ni hi.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 1:16

Ka unau dittakhai, hlêmin um naw ro.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;

JAKOB 1:9

Unau daikilkâra mi chu chawimawia a um leiin lâwm raw se.

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.

RORELTUHAI 9:7

Chun, chu chu Jotham an hril chun Gerizim tlâng sîpah a hang ngîr a, râwl inringtakin a khêk a, an kuomah, “Nangni Sekema mihai, ka thuhril hi ngai ta u, chuongchun, Pathien khawma in thu a lo ngai ve ding a nih.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.