JAKOB 2:25 - Pathien Lekhabu Inthieng (BSI)

²⁵ Chuong ang bawkin, Rahab nawchizawr khawm khan tirkohai kha a lo lâwm a, lampui danga ân fetir lai khan, thilthaw leiin thiem a chang a ni naw am a nih?

JAKOB 2:25 Iomraidhean Croise

MATTHAI 1:5

Salmonin Rahab leh, Boaz a thla a; Boazin Ruth leh, Obed a thla a; Obedin Jessai a thla a;

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

THILTHAWHAI 17:7

Jason hin a lo intlungtir vei a; hienghai po po hi, ‘A hming Isu, lal dang a um,’ tiin Kaisar thu kalin an um hlak a nih,” an ta.

HEBRAIHAI 11:31

Ringnain Rahab nawchizawr kha awi nawhai lai a bohmang ve ta naw a, enthlatuhai chu tlangtaka a lâwm leiin.

JAKOB 2:18

Anih, mi tûin amanih, “Nangin ringna i nei a, keiin thilthaw ka nei a nih; i ringna chu thilthaw ṭhang lovin mîn entir rawh, chun, keiin ka thilthawin ka ringna inentir ka ti che.

JAKOB 2:22

Ringna chun a thilthaw leh a thaw hmunkhat a, chun, thilthaw leiin a ringna chu a famkim tah ti i hriet.

JAKOB 2:24

Ringna lei ngawt ni lovin, thilthaw lei lemin, miin thiem a chang hlak ti in hriet tah.

JOSUA 2:1

Chun, Nun naupa Josua chun, Shittima inthawk chun mi pahni arûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va fe a, nawchizawr pakhat a hming Rahab inah an va lût a, chutaka chun an tlung ta a.

JOSUA 2:15

Chuongchun, tukvera chun hruihruolin a thlâk thla ta a; a in chu khawpui kul tlânga um a ni si a, kul chunga chun a um a nih.

JOSUA 2:16

Chun, an kuoma chun, “Tlâng tieng panin fe ro khai, chuong naw chun, a hnawttuhai cheu khan hmu hlau rawi an ti cheu; chutaka chun ni thum vân bihmang unla, a hung hnawttuhai cheu kha an kîr nâwk hmakhat chun: chu zoa chun fe chau ro,” a ta.

JOSUA 2:4

Nuhmei chun mi pahnihai chu a ṭhuoi a, a thuphmang ta a; “Anih, mihai chu ka kuoma chu an hung ngei a, amiruokchu, khâwtaka inthawka hung am an ni ruok chu ka hriet nawh;

JOSUA 2:6

Diktak chun in chungah a ṭhuoi a, in chunga a ziza kûng intieng khâwm lai chun a thuphmang a nih.

JOSUA 6:17

Khawpui hi a sûnga thil um po po pumin suksiet dinga Lalpa kuoma pumpêk vawng ding a nih; Rahab nawchizawr chau, ama le a in sûnga ama le um po pohai ruok chu ei mi tirhai kha a lo thuphmang leiin hla ding a nih.