JAKOB 1:26 - Pathien Lekhabu Inthieng (BSI)

²⁶ Tûkhawm sakhaw ngaisak nia inringa, a lei vêng ṭha si lova, mâni lungrila inhlêm lemtu chu, chu mi sakhaw biek dân chu iengkhawm a ni nawh.

JAKOB 1:26 Iomraidhean Croise

JOB LEKHABU (THE BOOK OF JOB) 15:13

I lungril chu Pathien chungah în hertir a, Chuong ang thuhai chu i baua inthawka în suoktir el chu?

JOB LEKHABU (THE BOOK OF JOB) 30:11

Ka thalhrui chu a sût a, a mi sukrinum ta leiin, Ka hmaa chun thîrse chu an pei thlâk a.

INPÂKNA HLABU 141:3

Aw Lalpa, ka bau bula hin vêngtu inhungtir la, Ka hmûr kawtkhâr hi vêng rawh.

INPÂKNA HLABU 32:9

Ngaituona nei naw sakawr amanih, sabengtung amani angin um naw ro, Anni chun chelngîrna ding thîrbar amanih, keingîrna dinga hrui dâm an ṭûl hlak si a; Chuong naw chun i kâwl hnaiah hung naw ni hai.

INPÂKNA HLABU 34:13

I lei chu suola inthawkin vêngṭha la, I hmûr chu hlêmna thu hril lo dingin.

THUVARHAI 10:19

Thu um khâwm ṭeu laia hin bawsietna a bo naw a; A hmûr vêngṭhatu ruok chun vartakin a thaw a nih.

THUVARHAI 10:31

Mi fel bau chun varna a phusuok a, Lei khêlinhlip ruok chu ât bawng nîng a tih.

THUVARHAI 14:12

Mihriem kuoma indik âwmtaka inlang lampui chu a um a, Chu tâwpna ruok chu thina lampuihai a nih.

THUVARHAI 15:2

Mi var lei chun hrietna indik a hril suok hlak a, Mi invêt bau ruok chun invêtna a bun suok hlak.

THUVARHAI 16:10

Lal hmûrhaia chun vân tieng thusukthlûk chu a um a, Rorêlnaah a bau chun bawse ngai naw nih.

THUVARHAI 16:25

Mihriem kuoma indik âwmtaka inlang lampui chu a um a, Chu tâwpna ruok chu thina lampuihai a nih.

THUVARHAI 19:1

Mi pasie lungril ṭhaa fetu chu, A hmûrhaia khêlinhlipa mi invêt nêk chun a ṭha lem.

THUVARHAI 21:26

Sûnnithlâk thlâk ela duâmtaka inhnar hlak chu a um a, Mi fel ruok chun a pêk a, ân ro ngai nawh.

ISAI 1:13

Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdakumtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MATTHAI 15:9

Iengkhawm ni sienla, an inchûktirnaah mihriem thupêk an inchûktir leiin, An mi biek hlak hi a thlâwn el a nih,’ tiin,” a ta, a dawn a.

MARKA 7:7

An inchûktirnaa mihriem thupêkhai an inchûktir leiin, An mi biek khawm hi a thlâwn el a nih,’ ti ziek ang khan.

LUKA 8:18

Chuongchun, ieng angin am in hriet fimkhur ro; tûkhawm a nei taphawt chu pe sâng an ta, tûkhawm a nei naw taphawt chu a nei suna a ruot khawm chu lâkpêk an tih,” a ta.

1 KORINTH 15:15

Anih, Krista a keitho ti Pathien kan hrietpui lei khan, Pathien tieng thuah hrietpuitu khêlhlip lo ni bawk kan tih Mithihai keithoa an um naw chun, ama khawm keitho da ni ie.

1 KORINTH 15:2

ka thu hril cheu kha in awi mei mei a ni naw a, in pawm tlat a ni chun, chutaka bawk chun sandam mêkin in um a nih.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

GALATI 2:6

Chun, mi lien deua an iruothai lai chun, (ieng ang mi khawm ni sien la ka ta dingin a dang chuong nawh, Pathienin tûkhawm a thlier bîk naw a) mi lien deua an iruothai chun iengkhawm an mi belsa chuong si naw a;

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

GALATI 3:4

Thil chuong zât zât chu a thlâwn elin in tuor a ni maw? A thlâwn hlawl el chu ni lo e!

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

EPHESI 5:4

zâmaw dâm, thu teplo dâm, fiemthu dâm khawm, chuong chu a mawi naw a nih; chuong ti nêk chun lâwmthu hril lem ro.

DÂN PAHNINA 11:16

Fîmkhur ro khai, chuong naw chun, in lungril chu hlêmin um a ta, pêthmang in ta, pathien dang rawng dâm bâwl in ta, be el rawi in tih;

KOLOSSA 4:6

Mi tin iengtina dawn seng ding am a na ti in hriet theina dingin in ṭawng bausuok chu chia saw, lunginsietna ṭhang ni rawp raw se.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;

JAKOB 1:22

Nisienlakhawm, mâni inhlêm a, thu ngaituhai chau ni lovin, thu zâwmtuhai lo ni lem ro.

JAKOB 2:20

Aw, mi teplopa, thilthaw ṭhang lova ringna ngawt chu iengkhawm a ni nawh ti i hriet nuom am?

1 PETER 3:10

“Hringna hmangai nuom le, Ni ṭhahai hmu nuom chun, Suola inthawkin a lei vêng ṭha sienla, A hmûr khawm zâwrna thu hril lo dingin, Vêng ṭha raw se.