JAKOB 1:25 - Pathien Lekhabu Inthieng (BSI)

²⁵ Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.

JAKOB 1:25 Iomraidhean Croise

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

INPÂKNA HLABU 119:45

Chun, hluotu neilovin lêng ka ta, I thununna thuhai chu ka zawng si a.

THUVARHAI 14:15

Mi mâwl chun thu tinrêng el hi a ring a, Mi var ruok chun a fena chu a en ngun hlak.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

JOHAN 13:17

Chuong thil chu in hriet chun, thaw unla, hamṭhâng in tih.

JOHAN 8:36

Chuongchun, Naupa hin ân zalêntir cheu chun, zalên tak tak tâng in tih.

THILTHAWHAI 13:43

Chun, inkhâwmhai chu an ṭin phingleh, Judahai le an saphun Pathien ngaisak laia mi tamtakin Paula le Barnaba chu an zui pei a; anni chun an lo biek a, Pathien lunginsietnaa chun um zing dingin an infui a.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

THILTHAWHAI 26:22

Nisienlakhawm, Pathiena inthawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril lovin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:22

Chuongchun, Pathien ṭhatzie le a ṭiumzie chu ngaituo rawh; a tluhai ta ding chun ṭi a um a nih; nanga ta ding ruok chun a ṭha a nih, a ṭhatnaa i um zing chun; chuong a ni naw chun, nang khawm sât thlâkin um vêng i tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:13

Dân hretu ringawthai chu Pathien mithmuin mi fel an ni naw a, Dân anga thawtuhai chu mi fela tiemin um lem an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:12

Chuongchun, Dân chu ân thieng a, thupêk khawm chu ân thieng a, a fel a, a ṭha a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

GALATI 6:2

In rikphurhai chu insâwngtuo ro; chuongchun, Krista dân chu in zâwm nîng a tih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

1 TIMOTHE 2:15

Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.

1 TIMOTHE 4:16

Nangma le i inchûktirnaa chun fimkhur la, chuong thilhai chu thawin um zing rawh; chuong anga thawin nangma le i thu ngaituhai chu i sandam ding a nih.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

JAKOB 2:12

Chuleiin, zalênna dâna mi ro rêl pêka um dinghai angin thu hril unla, thil thaw bawk ro.

1 PETER 2:16

zalên in nih, nisienlakhawm, in zalênna chu suol inkhumna dinga hmang lovin, Pathien suoka umna dingin hmang lem ro.

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

THUPUONGSUO 14:13

Chun, vâna inthawkin rawlin, “Hienghin ziek rawh: Tuta hnung chu mithi, Lalpaa thihai chu, an hamṭha. Thlarau chun, ‘Anih, an sininrimnahai chu châwl san tâng an tih; an thilthawhai chun a hung zui ve ding a ni si a,’ a tih,” a ti ka hriet a.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.

1 SAMUEL 12:14

Lalpa chu in ṭi a, a rawng in bâwl a, a râwl in ngai a, Lalpa thupêk in helsan naw a, nangni le in chunga rorêltuhai leh Lalpa in Pathien zuituhai in ni chun ṭhang a ta;