JAKOB 1:14 - Pathien Lekhabu Inthieng (BSI)

¹⁴ Mi tin mâni châknaa ṭhuoi hmang le hîpa an um chun, thlêmna an tuok lem a nih.

JAKOB 1:14 Iomraidhean Croise

INṬANNA 3:6

Chuongchun, nuhmei chun thing ra chu fâk dinga ṭha a nih ti le, mit latak a nih ti le, mi sukvar dingin thing ra inhnarumtak a nih ti a hriet chun a ra chu a lo a, a fâk ta a; a kâwla um a pasal kuoma khawm chun ṭhen khat a pêk a, ama khawm chun a fâk ta a.

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

2 SAMUEL 11:4

Chun, David chun mi a tir a, an va ṭhuoi ta a; chun, a kuoma a va tlung chun a lo zâlpui ta a; (a felnaw zo insukthieng laitak a na) chun, a in tieng a fe nâwk ta a.

JOB LEKHABU (THE BOOK OF JOB) 31:27

Ka lungril chu arûka hîpa a um a, Ka bau chun ka kut chu a fâwp chun;

JOB LEKHABU (THE BOOK OF JOB) 31:9

Ka lungril hin nuhmei tieng a ngaisak chun, Ka tuolbâwm kawtkhâr bula kân chân bawk chun;

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um si a.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

HOSEA 13:9

Aw Israel, nangma ṭhangpuitu i mi do hi, I sietna a nih ie.

MATTHAI 15:18

Baua suokhai ruok chu lungrila hung suok a na; chuong ngei chun mihriem a sukthieng naw hlak a nih.

MATTHAI 15:20

chuong chu mihriem sukthieng nawtu a nih; kut sâwp lova bu fâk ruok chun mi a sukthieng naw nawh,” a ta.

MATTHAI 4:1

Chu zoa chun Isu chu Diebol thlêma um dingin Thlarauin thlalêrah a ṭhuoi ta a.

MATTHAI 5:28

Kei ruok chun, tukhawm nuhmei dit ena en taphawt chun, a lungrilah a uire zing a nih ti ka hril cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:11

suolna chun thupêk lei chun, remchângna hmuin a mi lo hlêm a, thupêk chu hmangin a mi sukhlum tah a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:13

Anleh, thil ṭha chu keia ta dingin thina a lo ni am a nih? Teu lo e a! Suolna chu keia ta dingin thina a hung ni ta lem a nih; chuongchun, suolna chu suolna a nih ti ân lang theina dingin, thil ṭha chu hmangin a mi sukhlum a nih. Suolna chu thupêk lei khan suol nasatak a ni theina dingin.

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

JAKOB 1:13

Tûkhawmin thlêmna an tuok laiin, “Pathien ithlêm ka nih,” ti naw raw hai se; Pathien chu suol ithlêm ruol a ni nawh, ama khawmin tûkhawm a thlêm ngai nawh.

JAKOB 1:15

Chun, châkna chun tê a vawn a, suol a nei hlak; chun, suol chu a hung puitlingin thina a hung suksuok hlak.