JAKOB 1:12 - Pathien Lekhabu Inthieng (BSI)

¹² Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 1:12 Iomraidhean Croise

INṬANNA 22:1

Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.

NEHEMIA 1:5

“Aw Lalpa, vân Pathien, Pathien ropui le ṭium, nangma hmangaia i thupêk pawmtuhai chunga thuthlung hlena lunginsietna suklangtu,

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

JOB LEKHABU (THE BOOK OF JOB) 5:17

“Ngai ta, mi Pathienin a sukdik chu a va hlim de! Chuleiin, Iengkimthawthei thununna chu hmusit naw rawh.

INPÂKNA HLABU 11:5

Lalpa chun mi fel le mi rilo chu a fie hlak a. Nunrâwngna ngaina mi chu a hringna chun a theida hlak.

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 119:71

I thuruothai chu kân chûk thiem theina dinga, Sukrinuma ka lo um kha ka ta dingin a ṭha a nih.

INPÂKNA HLABU 119:75

Aw Lalpa, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 5:11

Nangmaa ringna innghattuhai po po chu nangmaa chun lâwm hai sienla, I humhim leiin kumkhuoin lâwmin khêk tâwl raw hai se: I hming ngainatuhai khawm chu nangmaa chun lâwmtakin um raw hai se.

INPÂKNA HLABU 94:12

Mi i thunun a, i dân thua inthawka i inchûktir chu, Aw Lalpa, a hamṭha.

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni si a.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:4

tuorselna chun hriet fiena a siem a, hriet fiena chun beiseina a siem ti ei hriet si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

1 KORINTH 9:25

Chun, inruolsieknahai dâma chun a thaw ṭâl ṭâl taphawt chu iengkimah an insûm hlak a nih. Anni chun lallukhum sethei hmu dingin an thaw a,

DÂN PAHNINA 13:3

chu zâwlnei amanih, mang neitu amanih thuhai chu in pawm ding a ni nawh; Lalpa in Pathien chun in lungril po po le in hringna po poin Lalpa in Pathien chu in hmangai le hmangai naw ti hriet fiena dingin a fie cheu a ni lem.

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

2 TIMOTHE 2:15

Sinthawtu mâni sinthaw inzâpui ngai nawtu angin, Pathien thutak indiktaka inchûktirin, Pathien pawm tlâka um dingin i theitâwp suo rawh.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 10:32

Nisienlakhawm, inhmaa sukvara in um hnunga tuorna buoi nasatak in tuor lai nihai kha ngaituo nawn nâwk hlak ro:

HEBRAIHAI 11:17

Ringnain Abraham chu fiea a um khan Isak ân hlân a; anih, thutiemhai lâwmtaka changtu chun, a naupa khât nei sun chu ân hlân a,

HEBRAIHAI 12:5

infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

HEBRAIHAI 6:15

Chuongchun, seltaka a tuor suok hnungin thiltiem chu a hmu ta ngei a.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

JAKOB 5:11

Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

1 PETER 5:4

Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.

1 JOHAN 4:19

Amain a mi hmangai hmasak leiin ei hmangai a nih:

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.