ISAI 26:3 - Pathien Lekhabu Inthieng (BSI)

³ I chunga lungril innghattu chu nang a ring che leiin, lungmuongtaka um dingin vêng i tih.

ISAI 26:3 Iomraidhean Croise

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

2 CHANCHIN SUINA 13:18

Chuongchun, chu huna chun Israel thlahai chu sukhnuoiin an um ta a, Juda thlahai ruok chun an thlatuhai Pathien Lalpa chu an ringsan leiin an hne ta a.

2 CHANCHIN SUINA 16:8

Lubim mihai le Ethiopia mihai chu sakawr tawlailîrhai le sakawr chung chuong mihai leh tam nasatak an ni naw am a nih? amiruokchu, Lalpaa chun în nghat leiin i kutah anni chu a pêk suok che an ni kha.

INPÂKNA HLABU 119:165

I dân ngainatuhai chun thlamuongna nasatak an nei a, Tlûkna hrim hrim an nei nawh.

INPÂKNA HLABU 125:1

Lalpa ringtuhai chu Zion tlâng sukhnîng ruol lo, kumkhawtluonga um zing ding ang chu an nih.

INPÂKNA HLABU 9:10

Chuongchun, i hming hretuhai chun ring an ti che a, Nang chun chu, Lalpa, nangma zawngtuhai che chu i mâksan ngai si naw a,

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 26:12

Lalpa, nangin inremna mi ruotpêk i ta; nangin kan sin po po khawm i mi thawpêk si a.

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 32:17

Chun, felna sinthaw chu inremna nîng a ta, felna thil suok chu kumkhuoa muongtaka umna le ring tlata umna nîng a tih.

ISAI 32:18

Chuongchun, ka mihai chu râlmuonga umnaahai le in dettakhaia le châwlna hmun muongumtakhaia chun um tâng an tih.

ISAI 42:19

Ka siehlaw naw chu tu mit am ân del a? Annawleh, ka tirko tir angin tu na am a sêt a? A mi remtu angin tu mit am ân del a? Lalpa siehlaw angin tu mit am ân del a?

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai Lalpa a nih).

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

JEREMIA 39:18

Sandam ngei ngei ka ti che a, kâwlhnâmah i tlu naw ding a ni si a; amiruokchu, i hringna chu nangma ta dinga sanhim nîng a tih; i ringna chu keimaa hin i sie leiin, Lalpa chun a tih,” tiin.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um naw a.

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.