ISAI 18:7 - Pathien Lekhabu Inthieng (BSI)

⁷ Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 18:7 Iomraidhean Croise

ZEPHANIA 3:10

Ethiopia vadunghai khêla inthawk chun ka riminhnik râwtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 18:4

Lalpa chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

2 CHANCHIN SUINA 32:23

Chun, mi tamtak chun Jerusalemah Lalpa kuomah thilpêkhai le, Juda lal Hezekia kuomah thil hluhai an hung chawi a; chuongchun, chutaka inthawk chun hnam po pohai mithmua chun chawimawiin a um ta a.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni si a; chun, chi tamtakhai chu vaw nâwi i ta, an thil hlêp chu Lalpa ta dingin hlânthieng i tih, an sum chu leihnuoi pumpui Lalpa ta dingin hlânthieng i tih.

ISAI 16:1

Ram rorêltu ta dingin berâmtehai chu Sela khuo thlalêr tienga uma inthawk chun Zion naunu tlânga chun inphur ro.

MATTHAI 2:11

In sûngah an va lût a, a nu Mari kuoma nautê chu an hmu a, an bawkkhup a, chibai an bûk a. Chun, an ro bâwmhai an hawng a, a kuomah lâwmna rângkachak dâm, beraw dâm, murra dâm an pêk a.

ISAI 18:2

Thangko hrâttakhai, hnam insâng thler thlawr innâmtak kuomah, an suok phuta inthawka tu chena mi ṭiumtakhai kuoma chun fe ro; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

HABAKKUK 1:7

Anni chu ṭium le pangzatumtak an na; Annia inthawk chun an rorêl le inlalna chu a fe suok a.

INPÂKNA HLABU 68:32

Leihnuoi ramhai, Pathien chawimawiin hla sak unla, Aw Lalpa inpâkin hla sak ro.