ISAI 17:9 - Pathien Lekhabu Inthieng (BSI)

⁹ Chu nia chun an khaw dettakhai chu rampui le tlâng sîpa hmun tlânsan hnung, Israel thlahai hmaa an tlânsan hnung ang khan nîng a tih; chuongchun, hmun râusan ni tâng a tih.

ISAI 17:9 Iomraidhean Croise

ISAI 27:10

Khuo kulpui nei chu a khawsâwt a, umna, mi hnungsawn le fesan hnung a ni ta si a, thlalêr ang elin; chutaka chun bâwngtê tlâng a ta, chutaka bawk chun bawk a ta, a kauhai chu fâng a tih.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

MIKA 5:11

i ram khawpuihai sukbohmang ka ta, i kul po po sukchim ka tih;

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwlhnâmin do ka tih,” a ta.

HOSEA 10:14

Chuleiin, i mihai laia chun indo buoi mup mupna hung suok a ta, I kulhai po po chu suksiet nîng a tih; Salman chun indona nia Beth-arbel a suksiet a, Nu chu a nauhai leh peinawia an um lai ang khan.

ISAI 17:8

Maichâm anni kut suok tieng chu en ta naw ni a, anni kuta siem Asera amanih, nisa limhai amani khawm inza ta naw ni hai.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;