ISAI 10:3 - Pathien Lekhabu Inthieng (BSI)

³ Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 10:3 Iomraidhean Croise

INṬANNA 31:1

Jakob chun Laban naupahaiin, “Jakobin ei pa ta po po a lâkpêk vawng a, ei pa taa mi a nih hieng hausakna a nei po po hi,” an ti thuhai a lo hriet a.

2 LALHAI 7:15

Chun, Jordan vadung chenin an va hnawt a, chun, ngai ta, Suria mihai chun an inhmaw leia an pei silfênhai le thuomhnawhai chu lampui intluonin a um zel zul el a. Chun, a mi tirhai chu an hung kîr nâwk a, lal chu an hung hril a.

JOB LEKHABU (THE BOOK OF JOB) 31:14

Pathien chu hung tho ta sienla ieng am lâwng ka ta? A hung indawn fel pha chun iengin am ama dawn ka ta?

THUVARHAI 11:4

Lungsen nia chun hausakna chu a ṭhahnem chuong naw a, Felna ruok chun thinaa inthawkin a sansuok.

ISAI 13:6

Inrûm rak rak ro, Lalpa ni chu a hnai ta si a, Iengkimthawtheia inthawka suksietna a hung tlung angin a hung tlung ding a nih.

ISAI 17:4

Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.

ISAI 20:6

Chuongchun, chu nia chun tuipui panga umhai hin, ‘En ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta si a, eini hi iengtin am tlân suok ei ta?’ la tîng an tih,” a ta.

ISAI 26:14

Anni chu an thi ta a, hring nâwk ta naw ni hai, an bo ta a, tho nâwk ta naw ni hai; chuleiin, nangin anni chu hremin i suksiet a, an hriet zingna po po khawm i sukbohmang tah.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 28:20

Khum chu inthluongna dingin a tawi ta law si a; puonthuo chu inkhumna dingin a chîn talaw bawk si.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 30:16

“Ni lo, sakawr chunga chuongin tlân dur dur kan tih,” in ti lem si a; chuleiin, tlân dur dur ngei in tih; “Thil hrâttak chungah chuong kan tih” in ti a; chuleiin, a hnawttu dinghai cheu chu hrâttak nîng an tih.

ISAI 30:5

An ta dinga ṭhathnemna hrim nei lo mi, ṭhangpuitu ni lova, ṭhathnemna nei mi ni dêr lova, inzakna le hmingsietna ni lemhai chu, an rêngin lân zâpui an tih,” a ta.

ISAI 30:7

Aigupta chun ṭhahnem lotak le, ṭhangkai lotakin a ṭhangpui hlak si a; chuleiin a nih, ama chu, “Rahab ṭhung ṭawk ṭawknu” kân bûk chu.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 39:3

Chuong lai chun zâwlnei Isai chu lal Hezekia kuoma chun a hung a, a kuomah, “Nakieta mihai khan ieng am an hril a? Khâw laia inthawkin am i kuomah an hung a?” a ta. Hezekia chun, “Ram hlataka inthawkin, Babulona inthawk chun ka kuomah an hung a nih,” a ta.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka ta a, chuongchun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

ISAI 5:26

Hnam tin hlataka mihai ta dingin inchikna târ suok a ta, kâwlkawdawnga inthawka ko dingin faifûk a tih; chuongchun, ngai ta, anni chu inhmâwtakin hung vak an tih.

JEREMIA 22:7

I chunga chun suksetuhai, mi tin el chu mâni hriemhrei seng leh, ka buotsai ding a nih; anni chun i ditthlang sidar dâm chu sât thlâng an ta, meiah tîng an tih.

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnawhaiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl che a, i hringna lâk an tum a nih.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 9:9

Hieng thilhai lei hin anni chu ka hrem hrim naw ding am a nih? Lalpa chun a tih; hnam hieng ang hai chunga hin phuba ka lâk naw ding am a nih?

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 9:5

Inkhâwmpui ursûntak nia le, Lalpa ruoiṭhe nia chun ieng am thaw tâng in ta?

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

AMOS 5:19

Sakeibaknei mâksan a, savawm intuokpui mi ang le, ina lût a, bang chunga kut innghat a, rûlin a chuk ang chu a nih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

DÂN PAHNINA 28:49

Hlataka inthawk, kâwlkawdawnga inthawkin nangni thaw ding hnam Lalpain mupui bir angin hung tir a ta, an ṭawng khawm in hriet naw hnam;

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.