HOSEA 3:2 - Pathien Lekhabu Inthieng (BSI)

² Chuongchun, tangka sâwmpanga le buṭei homer khat le a chenvein ama chu kân châwk a;

HOSEA 3:2 Iomraidhean Croise

INṬANNA 31:41

Chuong kum sâwmhni sûng po chu i kuomah ka um a, i naunuhmeihai pahni hlaw dingin kum sâwmpali le, i ranhai hlaw dingin kum ruk i rawng ka bâwl a; ka hlaw hlak chu vawi sâwm lai i sukdanglam si a.

INṬANNA 34:12

Man le thilpêk chu iengzat khawm ngên unla, in ti ang peiin pêng ka ti cheu: iengkhawm ni sienla, nunghâk chu nuhmeiin mîn neitir phawt el ro,” a ti a.

FESUOKNA 22:17

“A pa chun ama chu a pêk nuom dêr naw chun, nunghâk man ang hu tangka a pêk tho ding a nih.

ISAI 5:10

Grêp huon ṭin sâwm hmunah bath khat chau la pieng a ta, bu chi homer khat tuin epha khat chau a la pieng ding a ni si a,” tiin.

EZEKIEL 45:11

Epha le bath chu inkhina angkhat nîng an ta, bath chun homer hmun sâwma ṭhea hmun khat keng a ta, epha khawm chun homer hmun sâwma ṭhea hmun khat bawk, chu inkhina chu homer dungzui pei a ni ding a nih.

HOSEA 3:3

chun, a kuomah, “Ni tamtak sûng chu ka ta dingin i um ding a nih, nawchi i zawr ding a ni naw a, tu nuhmei khawm i ni bawk ding a ni nawh; chuong ang bawk chun kei khawm i kuoma chun um ka tih,” ka ta.

LEVI DÂN 27:16

“Mîn a rama lo a ṭhen Lalpa puol dinga ân hlân ding chun, i ruot dân ding chu a chi tu izir peiin nîng a tih; Buṭei homer khat tûna hmun chu tangka shekel sâwmnga man nîng a tih.

RUTH 4:10

Chu chau chu ni lovin, mithi chu a hming a um zingna dinga rohluotu siempêk dingin le, mithi chu a unauhaia le a umna kul kawtkhâra a hming a bo nawna dingin, Moab nuhmei Ruth, Mahlon nuhmei chu ka nuhmei dingin kân châwk a, vawisûn hin chu hrepuituhai chu nangni hi in nih,” a ti a.

1 SAMUEL 18:25

Chun, Saula chun, “David kuoma chun hieng ang hin ti ro khai, ‘Lal chun lal hmêlma phubalâkna dingin Philistin mihai servun za ti naw chu man ieng dang khawm a dit nawh,’ tiin,” a ta. Saula chun David chu Philistin mihai kuta inthitir a lungril tlat a.