HOSEA 11:2 - Pathien Lekhabu Inthieng (BSI)

² Ka ko râwn po leh an mi hlat zuol det a, Baalhai kuomah an inthâwi zing a. Mi lim siem fâwmhai kuomah riminhnik an raw lem a nih.

HOSEA 11:2 Iomraidhean Croise

1 LALHAI 12:33

Chun, amain a dit anga a ruot thla ngei, thla rietna, ni sâwm le ni nga nia chun Bethela a maichâm siema chun a hang fe a, chun, Israel mipuihai ta dingin ruoiṭhe ni a ruot a, maichâma riminhnik raw dingin a hang fe a.

1 LALHAI 18:19

Chuleiin, tuhin Israelhai po po le Baal zâwlnei za li le sâwmnga leh, Asera zâwlnei, Jezebel dawkâna thlaithlêng awt ve hlakhai za li kha ka kuomah Karmel tlângah vân ko khâwmtir rawh,” a ta.

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 18:15

Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 35:13

“Sipaihai Lalpa Israel Pathien chun hieng hin a tih: Fe la, Juda ram mihai le Jerusalem hluotuhai kuoma chun hi hi va hril rawh: ‘Ka thuhai chu ngai dingin, inchûktirna chu in pawm naw ding am a nih?’ Lalpa chun a tih.

JEREMIA 44:5

Nisienlakhawm, an ngai naw a, Pathien danghai kuoma riminhnik rawa an khawhlonahai chu nghatsan dingin an nahai khawm an sit naw a:

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

HOSEA 4:13

Tlâng sîphaia chun an inthâwi a, Muolhaia chun riminhnik an raw a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

HOSEA 4:17

Ephraim chun milim ân zawmpui ta a; A um umin um raw se.

ZEKARIA 1:4

Inhmaa zâwlneihaiin an kuoma, ‘Sipaihai Lalpa chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, Lalpa chun a tih.

ZEKARIA 7:11

Nisienlakhawm, an pawisa nuom naw a, an liengko an herhmang a, an hriet nawna dingin an nahai an suksêt a.

LUKA 13:34

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.

RORELTUHAI 10:6

Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

RORELTUHAI 2:13

Lalpa chu an nghatsan a, Baal le Astaroth rawng an bâwl ta a.

RORELTUHAI 3:7

Chun, Israel thlahai chun Lalpa mithmuah thil suol an lo thaw a, Lalpa an Pathien chu an theinghil a, Baalhai le Aserah rawng an bâwl a.