HAGGAI 2:3 - Pathien Lekhabu Inthieng (BSI)

³ ‘Nangni lai hin hi in hi a hmaa a ropui lai kha hmu a dam tu am in la um a? Anleh, tuhin ieng ang charin am in hmu a? In mithmua chun iengkhawm ni lo ang a ni naw am a nih?

HAGGAI 2:3 Iomraidhean Croise

1 CHANCHIN SUINA 22:5

Chun, David chun, “Ka naupa Solomon hi a naupangin iengkhawm a hriet si naw a, Lalpa ta dinga in bâwl ding hi ropuitak a ni ding a na, ram po poa ropuitak le hming inthang tak el ding a ni si a; chuleiin, keiin buotsai ka tih,” a ta. Chuongchun, David chun a thi hma ngei chun nasatakin a buotsai ta a.

EZRA 3:11

Lalpa kuoma lâwmthu hrilin le inpâkin insawntuoin hla an sak a, “Ama chu a ṭha si a, Israelhai chunga a zângaina chu kumkhuoin a um zing si a,” tiin. Chun, Lalpa in lungphûm chu phûm a ni ta leiin, Lalpa an inpâk lei chun mipui chu khêkri nasatakin an khêk a.

EZRA 3:12

Amiruokchu, thiempuhai, Levi mihai an pahnamhai laia mi tamtak, mi upahai chu in hmasa lo hmutuhai chu, an mithmu ngeia chu in lungphûm chu phûm a lo ni chun rawl inringtak elin an ṭap ta a, mi danghai ruok chu lâwmin an khêk a;

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusalem chu hmun râusanah a hung inchang ta hi.

EZEKIEL 7:20

An incheina mawina chu inlalsaknân an hmang a; nisienlakhawm, an tirdakumna limhai chu an siemin, an pawrchena thilhai limhai le chun; chuleiin, an ta ding chun thil thiengnawah ka siem tah a nih.

HAGGAI 2:9

Hi in hi, hi hnungtienga a ropuina chu a hmasa nêk khan la nasa lem a tih, sipaihai Lalpa chun a tih: chun, hi hmuna hin inremna chu la pêng ka tih, sipaihai Lalpa chun a tih.