DANIEL 8:9 - Pathien Lekhabu Inthieng (BSI)

⁹ Anni laia pakhata inthawk chun ki chitê a hung suok a, chu chu simtieng le, saktieng le ram ropui tieng chun ropuitakin a hung um ta a.

DANIEL 8:9 Iomraidhean Croise

INPÂKNA HLABU 105:24

A mihai chu nasatakin a sukpung a, Anni dotuhai nêkin a sukhrât ta lem a.

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

EZEKIEL 20:15

Chu nawa khawm, ram po pohai ropuina, nênetui le khuoizua luong anni ka lo pêk ta rama chun anni chu ka ṭhuoi lût naw ding a nih tiin thlalêra khan an kuomah ka bân ka lo phar ta a;

EZEKIEL 20:6

chu nia chun Aigupta rama inthawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

DANIEL 11:16

Chuongchun, ama hung rûntuhai chu a nuom nuom lo lâwng a ta, ama hmaa chun tukhawm ngîr thei naw ni hai: ram ropuia chun ngîr a ta, a kuta chun suksietna um bawk a tih.

DANIEL 11:21

Chun, ama hmuna chun mi hmusitumtak hung ngîrsuok a ta, ama kuoma chun ram ropuina chu pêk ni naw ni; nisienlakhawm, muongna hun laitak hung a ta, simbudawiin ram chu lâng a tih.

DANIEL 7:8

Kihai chu ka ngaituo a; chun, ngai ta, anni lai chun ki dang, ki chitê hi a hung suok a, chu hmaa chun ki hmasa pathumhai kha an zung chena phawi dawkin an um tah a; chun, ngai ta, chu kia chun mihriem mithai ang mithai le, bau chapotaka ṭawngsuok chu a um bawk a.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.