DANIEL 7:9 - Pathien Lekhabu Inthieng (BSI)

⁹ Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

DANIEL 7:9 Iomraidhean Croise

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

2 CHANCHIN SUINA 18:18

Chun, Mikaia chun a hril a, “Chuleichun, Lalpa thu chu ngai rawh. Lalpa chu a lalṭhungphaa chun ṭhung a, vân sipaihai po po chu a changtieng le a vawitienga ngîr ka hmu a nih.

INPÂKNA HLABU 45:8

I silfên po po chu murra rim dâm, aloe rim dâm, thingzungthak rim dâm ân nam rum rum a; Saihaa siem lal inhaia ṭingṭang chi tum tum ri hung suokhai chun a sukhlim che a ni hi.

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 93:2

I lalṭhungpha chu tiena inthawka lo sukdet tah a na, Nang chu chatuona um tah i nih.

ISAI 6:1

Lal Uzzia a thi kum khan Lalpa chu lalṭhungpha insângtaka chawisânga a ṭhung ka hmu a, a silfên hmawr infuol chun biekin chu a suksip ta vawng a.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 49:38

chun, Elama chun ka lalṭhungpha chu inṭhut ka ta, chutaka lal le rorêltuhai chu sukbohmang ka tih; Lalpa chun a tih.

EZEKIEL 1:26

An luhai chunga, vân chunga chun, lalṭhungpha ang, sapphir lung anga inlang a um a; lalṭhungpha angtak chunga chun mihriem anga inlang a um a.

DANIEL 7:13

Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:22

Tienlai mi chu a hung a, Achunghnungtak mi inthienghai chu rorêlna chu a pêk a, mi inthienghaiin ram chu an chang hun a tlung hmakhat chun.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

HABAKKUK 1:12

Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

MATTHAI 28:3

A hmêl umzie chu kâwlinlep ang a na, a silfên chu vûr angin a vâr a.

MARKA 9:3

Chuongchun, a silfênhai chu hnuoia puon sâwptu hrim hrimin an sâwp vâr thei naw ding khawp rakin a hung vâr a, a hung tle ta sur el a.

THILTHAWHAI 2:30

Ama chu zâwlnei a na, Pathienin a ṭhalbea mi tû amanih a ṭhungpha chungah ân ṭhungtir ding a nih ti inkhâmin a hril ti a hriet a.

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

1 JOHAN 1:5

Chun, thuincha a kuoma inthawka kan hriet a, in kuoma kan hril sâwng ding cheu chu hi hi a nih: Pathien chu var a nih, amaa chun inthimna hrim a um nawh.

THUPUONGSUO 1:14

A lu le a sam chu berâm hmul vâr angin a vâr a, vûr ang elin; a mithai chu meichawk ang a nih.

THUPUONGSUO 19:18

lal sa dâm, sipai hotu sa dâm, mi hrât sa dâm, sakawr sa le a chunga chuong sa dâm, mi po po suok le suok naw, a lien a chîn khawm an sa in fâk theina dingin,” a ti a.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.

THUPUONGSUO 4:2

Chun, kârlovin Thlarauin ka lo um nghâl ta a; chun, ngai ta, vânah lalṭhungpha a lo inṭhut a, chu ṭhungphaa chun mi pakhat a lo ṭhung bawk a.