DANIEL 7:1 - Pathien Lekhabu Inthieng (BSI)

¹ Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 7:1 Iomraidhean Croise

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 46:2

Chun, Pathienin zâna a manghaia chun Israel chu a biek a, “Jakob, Jakob,” a ti a. Ama chun, “Hitaka hi ka um,” a ti a.

JOB LEKHABU (THE BOOK OF JOB) 4:13

Îmu inhniktaka mi in re ṭhiep lai, Zâna thilhmulâwkna ka ngai tuo laiin,

ISAI 30:8

Tuhin fe la, chuong chu an hmaa lekhaziekna phêkah ziek la, lekhabua khawm ziek rawh, hi hnunga kumkhawtluonga ding a ni theina dingin.

ISAI 8:1

Chun, Lalpa chun ka kuomah, “Lekha ziekna phêk lientak la la, mihriem kawlawmin a chungah, ‘Mahersalal-has-baz ta ding,’ tiin ziek rawh;

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? Lalpa chun a tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 36:32

Chun, Jeremia chun lekhabu zuol dang chu a lâk a, Neria naupa Baruk, lekhaziektu kuoma chun a pêk ta a; ama chun Juda ram lal Jehoiakimin a lo raw tah lekhabua thuhai po po chu Jeremia baua inthawk chun a ziek ta a; chu naw khawm chu thu angkhat tamtakhai chu an kuoma belsain a um a.

JEREMIA 36:4

Chun, Jeremia chun Neria naupa Baruk chu a ko a; Baruk chun Lalpain a kuoma thu a hrilhai po po chu lekhabu zuola chun Jeremia baua inthawk chun a ziek ta a.

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

EZEKIEL 40:2

Pathien thil hmulâwknaa chun Israel ramah a mi ṭhuoi a, tlâng insângtak, a simtienga chun khawpui riruong chu a um a, chutaka chun a mîn ṭhum ta a.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

DANIEL 2:1

Chun, Nebukadnezzarin ro a rêl a, a kum hninaa chun Nebukadnezzar chun manghai a mang ta a, a lungril chu a hung buoi ta a, in khawm a in ṭha thei ta naw a.

DANIEL 2:26

Lal chun a dawn a, Daniel, a hming Beltesazzar kuoma chun, “Mang ka ihmu tâk le a umzie chu nang hin i mîn hriettir thei ding maw?” a ti a, ân dâwn a.

DANIEL 4:13

Ka khum chunga thil hmulâwkhai ka hmua chun, ngai ta, vâna inthawkin vêngtu le mi inthieng pakhat a hung thla a.

DANIEL 4:5

Mang mi sukṭi êm êm el chu ka hmu a, ka khum chunga ka ngaituonahai le, ka lua ka thil hmulâwknahai chun a mi suklungzîng êm êm a.

DANIEL 5:1

Lal Belsazzar chun a lalhai sâng khat ta dingin ruoi ropuitak a ṭhe a, sâng khat hmaa chun uoin a dâwn ta a.

DANIEL 5:22

Aw Belsazzar, nang a naupa hin hi thil po po hi i hriet sa khawma i lungril i sukhnuoi naw a;

DANIEL 5:30

Chu zân chun Kaldai lal Belsazzar chu thatin a um ta a.

DANIEL 7:13

Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:15

“Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkhai chun an mi suklungzîng hle a.

DANIEL 7:7

Hi hnunga hin zâna thil hmulâwkhai chu ka hmu a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwi a, a mahlahai chu a kehaiin a sirde a, a hmaa sahrânghai po poa inthawk khan danglamtak a na; chun, ki sâwm a nei bawk a.

DANIEL 8:1

Lal Belsazzar rorêl a kum thumnaa chun thil hmulâwkhai, a hmaa ka kuoma hung inlang hnunga khan, ka kuomah, kei Daniel kuoma ngei a hung inlang a.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

AMOS 3:7

Indiktakin Lalpa Pathien chun a rawngbâwltu, a zâwlneihai kuoma a thurûk hril lovin iengkhawm thaw naw ni.

HABAKKUK 2:2

Chun, Lalpa chun a mi hung dawn a, “Inlârna thu chu ziek la, Lungphêkhai chunga chun fietak elin, A tiemtu chun tlân puma a tiem theina dingin.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai taphawt chu eini inchûktirna dinga ziek an ni si a.

2 KORINTH 12:1

Ka suong hrim hrim ding a nih, ṭhat chu a ṭha naw a, nisienlakhawm, Lalpa kuoma inthawka inlârna le inhriettirna thu hril kai pei el ka tih.

THUPUONGSUO 1:19

“Chuongchun, i thil hmu tahai le thil um zinghai le tuta hnunga thil hung um dinghai thu chu ziek rawh;

THUPUONGSUO 10:4

Chun, vâninrûm pasarihai chun an rawl an insuo phingleh ziek ka tum a; chuongchun, “Vâninrûm pasarihai thu hril chu ip tlat la ziek naw,” tiin vâna inthawkin rawl ka hriet a.