DANIEL 5:8 - Pathien Lekhabu Inthieng (BSI)

⁸ Chun, lal mi varhai po po chu an hung lût a; nisienlakhawm, lekhaziek chu an tiem thei naw a, a umzie khawm chu lal chu an inhriettir thei naw a.

DANIEL 5:8 Iomraidhean Croise

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr lovah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

JEREMIA 50:35

Kâwlhnâm chu Kaldaihai chunga dâm, Babulon hluotuhai chunga dâm, a rorêltuhai le a mivarhai chunga chun a um a nih, Lalpa chun a tih.

DANIEL 2:27

Daniel chun lal hmaa chun a dawn a, “Thurûk lalin a iphût hi mi varhaiin amani, aisânthiemhaiin amani, mitvaidawithiemhaiin amani, vânghriltuhaiin amani khawm lal chu inentir thei naw ni hai;

DANIEL 4:18

Hi mang hi kei Nebukadnezzar hin ka hmu ta a, Aw Beltesazzar, a umzie chu hrilfie rawh, ka ram sûnga mi varhai chun a umzie chu an mîn hriettir thei si naw a: nisienlakhawm, nang chun i thei a nih; pathien inthienghai thlarau chu nangmaa chun a um si a,” ka ti a.

DANIEL 4:4

Kei Nebukadnezzar hi ka ina chun inhawitakin ka um a, ka lal ina chun chênghnâwngtakin ka um a.

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.

DANIEL 5:15

Tuhin, hi lekhaziek hi an tiema a umzie an mîn hriettir theina dingin mi varhai le aisânthiemhai chu ka hmaah ṭhuoi lûtin an um a; nisienlakhawm, thil umzie chu an inentir thei naw a.