DANIEL 5:3 - Pathien Lekhabu Inthieng (BSI)

³ Chun, Jerusalema Pathien in Templea rângkachak bûr le bêl an lâk tahai chu an hung lâk ta a; lal le a lalhai le, a nuhmeihai le a thaikêmhai chun chuonga chun uoin an dâwn ta a.

DANIEL 5:3 Iomraidhean Croise

2 CHANCHIN SUINA 36:18

Pathien ina bûr le bêlhai, a lien le chînhai khawm, Lalpa ina ro siekhâwlhai, lal ina ro siekhâwlhai le, a hotuhai tahai chen khawm chun Babulon tieng a lâk vawng a.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka ta a, chuongchun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

DANIEL 5:2

Belsazzar chun uoin chu a hang dâwn chun, lal le a lalhai le a nuhmeihai le, a thaikêmhai chun an dâwnna dingin, a pa Nebukadnezzarin Jerusalem Templea inthawka a lâk, rângkachak le tangkaruo bûr le bêlhai chu hung la dingin thu a pêk ta a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si naw a;

HABAKKUK 1:11

Thli angin an mût a, bâwthleng an ta, Thiemnaw changin um an tih, Anni thilthawtheina ngei pathiena neituhai chu.

MALAKI 1:12

Amiruokchu, in bawsiet a, chutaka chun, ‘Lalpa dawkân chu sukpawrche a ni ta a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

RORELTUHAI 19:1

Chuong laia Israel rama lal um naw lai chun Levi chi, mi pakhat hi Ephraim tlâng ram tâwp tieng chun a um a; Juda rama Bethlehema mi thaikêmin a nei a.