DANIEL 5:2 - Pathien Lekhabu Inthieng (BSI)

² Belsazzar chun uoin chu a hang dâwn chun, lal le a lalhai le a nuhmeihai le, a thaikêmhai chun an dâwnna dingin, a pa Nebukadnezzarin Jerusalem Templea inthawka a lâk, rângkachak le tangkaruo bûr le bêlhai chu hung la dingin thu a pêk ta a.

DANIEL 5:2 Iomraidhean Croise

2 SAMUEL 9:7

Chun, David chun a kuomah, “Ṭi naw rawh, i pa Jonathan zârah lunginsiet ngei ngei ka ti che a, i pu Saula ram po po inneitir nâwk ka ti che a; chun, ka dawkânah buthlêng awt ve rawp ta hlak i tih,” a ta.

2 LALHAI 24:13

Chun, Lalpa hril ang khan, Lalpa ina ro po po le lal ina ro po po chu a lâk suok a, Lalpa biek ina Israel lal Solomonin rângkachak bûr le bêl a siemhai po po chu a sâtnawi vawng a.

2 LALHAI 25:15

Chun, meilâknahai le maihûnhai le chun, vêngtu pâwl hotu chun rângkachaka siemhai chu a rângkachak chu a lâk a, tangkaruoa siemhai chu a tangkaruo chu a lâk a.

2 CHANCHIN SUINA 11:20

Ama hnunga chun Absalom naunu Maaka chu a nei a; ama chun Abija, Attai, Ziza le Selomith a neipêk a.

2 CHANCHIN SUINA 15:16

Lal Asa chun a nu Maaka khawm chu Asera ta dingin lim tirdakum chu a siem leiin lalnu a ninaa inthawk chun a bân bawk a; chun, Asa chun a milim chu a phûr thlûk a, a suknâwi vawng a, Kidron vadungtêa chun a raw ta a.

2 CHANCHIN SUINA 36:10

Chun, kum hung inlet nâwka chun Nebukadnezzar chun mi a tir a, ama chu Babulonah, Lalpa ina bûr le bêl ṭhahai le chun an hung ṭhuoi a, a unaupa Zedekia chu Juda le Jerusalem chunga chun lalah a siem ta a.

2 CHANCHIN SUINA 36:18

Pathien ina bûr le bêlhai, a lien le chînhai khawm, Lalpa ina ro siekhâwlhai, lal ina ro siekhâwlhai le, a hotuhai tahai chen khawm chun Babulon tieng a lâk vawng a.

EZRA 5:14

Chun, rângkachak le tangkaraw bûr le bêlhai Nebukadnezzarin Jerusalem biekina inthawka a lâk a, Babulon biekina a hung lâkhai chu, chuonghai ngei chu lal Kura chun Babulon biekina inthawk chun a lâk suok a, mi pakhat a hming Sesbazzar, amain rorêltua a siem ngei kuoma chun chuong chu a pêk a nih;

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 50:35

Kâwlhnâm chu Kaldaihai chunga dâm, Babulon hluotuhai chunga dâm, a rorêltuhai le a mivarhai chunga chun a um a nih, Lalpa chun a tih.

JEREMIA 52:19

Chun, nohai, vutluohai, maihûnhai, bêlhai, chawtawlhai, rângkachaka siemhai chu rângkachakin tangkaruoa siemhai chu tangkaruoin, vengtu pâwl sipai hotu chun a lâk vawng a.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pathien sum ina chun a hung lâk ta a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

DANIEL 5:13

Chun, lal hmaa chun Daniel chu an hung ṭhuoi lût a, lal chun Daniel kuomah, “Ka pa lalin Juda rama inthawka a hung ṭhuoi, Juda mi sal intânghai laia mi, Daniel chu i ni maw?

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 5:3

Chun, Jerusalema Pathien in Templea rângkachak bûr le bêl an lâk tahai chu an hung lâk ta a; lal le a lalhai le, a nuhmeihai le a thaikêmhai chun chuonga chun uoin an dâwn ta a.

DANIEL 5:30

Chu zân chun Kaldai lal Belsazzar chu thatin a um ta a.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

NAMBAR 7:79

a thilinhlânhai chu tangkaruo thlêng pakhat, a rikzie shekel zâ le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlâna dinga hriek chawkpawlsa beiphit inditaka sip ve ve;