DANIEL 4:3 - Pathien Lekhabu Inthieng (BSI)

³ Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:3 Iomraidhean Croise

JOB LEKHABU (THE BOOK OF JOB) 25:2

“Rorêlna le ṭitna chu ama kuoma chun a um a; A hmun insângahai chun inremna a siem a.

INPÂKNA HLABU 104:24

Aw Lalpa, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

INPÂKNA HLABU 105:27

Anni chun ân chiknahai chu anni lai an inentir a, Ham rama chun thilmakhai an inentir a.

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

INPÂKNA HLABU 66:7

A thilthawtheina chun kumkhuoin ro a rêl a, A mitin hnam tin a en hlak: Hel hmanghai chu anni le anni inchawimawi naw raw hai se.

INPÂKNA HLABU 72:18

Lalpa Pathien, Israelhai Pathien chu inpâkin um raw se, Ama chau hin thilmak a thaw hlak a.

INPÂKNA HLABU 77:19

I lampui chu tuipuiah a um a, I lampuihai chu tui lientakah a um a; I kehnunghai khawm hriet a ni nawh.

INPÂKNA HLABU 86:10

Nang chu i ropui a, thilmakhai i thaw bawk hlak si a, Nangma chau hi Pathien i nih.

INPÂKNA HLABU 92:5

Aw Lalpa, i thilthawhai chu a va ropui de! I ngaituonahai chu ân thûk êm êm a nih.

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 28:29

Chuong khawm chu sipaihai Lalpa, inrâwnna kawnga mi maktak le, varna kawnga mi ṭhatak kuoma chu a suok a nih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

DANIEL 2:2

Chun, lal chun a manghai chu hrilfie dingin mitvaidawithiemhai, aisânthiemhai, dawithiemhai le Kaldai mihai chu ko dingin thu a pêk ta a. Chuongchun, anni chu an hung lût a, lal hmaa chun an ngîr ta a.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:33

Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

HEBRAIHAI 1:8

Naupa chungchâng thua ruok chu hi hi a hril a nih: “Aw Pathien, i lalṭhungpha chu chatuon chatuonin um a ta; Indikna lal hmawl khawm chu, I ram lal hmawl a nih.

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.