DANIEL 3:4 - Pathien Lekhabu Inthieng (BSI)

⁴ Chun, tlângsam chu inringtakin a hung khêk a, “Aw mipui po pohai, hnam po pohai le, ṭawng po pohai, in kuomah hieng anga thupêk hi a nih:

DANIEL 3:4 Iomraidhean Croise

ESTHER 8:9

Chuongchun, chu huna chun, thla thumna, Sivan thla, chu thla ni sâwmhni pathum ni chun lal lekhaziektuhai chu koin an um ta a; chuongchun, Mordekaiin Juda mihai kuoma thu a pêk ang po poin, rambung za sâwmhni pasari, Indiaa inthawka Ethiopia chena rambunga lalhai, rorêltuhai le ram awptuhai kuoma chun, rambung tin kuoma chutaka ziek ang peiin, chi tinhai kuomah an ṭawng ang peiin. Juda mihai kuomah an ṭawng ang pei le an ziek dân ang peiin, ziek a hung ni ta a.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

DANIEL 3:10

Aw lalpa, nang chun thupêk i siem a: tawtawrâwt dâm, theihle dâm, ṭingṭang dâm, rawsem dâm, perkhuong dâm le rimawi tinrêng an hriet pha chun mi tin chu bawkkhup an ta, rângkachak milim chu chibai an bûk ding a na;

DANIEL 3:3

Chun, biel awptuhai, ram awptuhai, sipaihotuhai, lalhai, tangka sum enkawltuhai, rorêltuhai le dân hre mihai le ram bunga rorêltuhai po po chu lal Nebukadnezzarin milim ân ngîrtir inhlânnaa chun an hung khâwm vawng a; chuongchun, Nebukadnezzarin milim ân ngîrtir hmaa chun an ngîr tâwl a.

DANIEL 3:7

Chuleiin, chu lai chun, mipuihai chun tawtawrâwt dâm, theihle dâm, ṭingṭang dâm, rawsem dâm, perkhuong le rimawi tinrênghai ri chu an hriet chun, mipui po po le, hnam po pohai le, ṭawng po pohai chu lal Nebukadnezzarin rângkachak milim ân ngîrtir hmaa chun an bawkkhup a, chibai an bûk ta a.

DANIEL 4:1

Lal Nebukadnezzar chun, Mi po po, hnam po po, ṭawng tinhai le hnuoi chunga chêng taphawthai kuoma chun, in kuomah inremna hi sukpungin um raw se.

DANIEL 4:14

Ama chu inringtakin a khêk a, ‘Thing kha phûr thlu unla, a kâuhai kha tan thla ro, a hnahai kha sâwi ṭil unla, a ra kha the dar bawk ro; a kâuhaia vatehai le, a hnuoia ramsahai kha fe hmang raw hai seh.

DANIEL 6:25

Chun, lal Daria chun hnuoi chung po poa chêng mi po po le ṭawng tinrênghai kuoma chun lekha a ziek tah a, “In kuomah inremna sukpungin um raw se.

HOSEA 5:11

Ephraim chu thil teplohai zui a nuom vieu leiin, Nêksâwrin a um a, rorêlnaa chun suksietin a um a nih.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,