DANIEL 3:1 - Pathien Lekhabu Inthieng (BSI)

¹ Lal Nebukadnezzar chun rângkachak milim a siem a, ân sângzie chu tawng sâwmruk a na, a khangtieng chu tawng ruk a nih; Babulon biel sûnga Dura phaizâwla chun ân ngîrtir ta a.

DANIEL 3:1 Iomraidhean Croise

1 LALHAI 12:28

Chuongchun, lal chun mi a râwn a, rângkachak bâwngte lim, pahni a siem a, an kuoma chun, “In ta dingin Jerusalem khuoa hang fe chu ân tak talaw êm a, aw Israelhai, en ta u; Aigupta rama inthawka ṭhuoi suoktu cheu in pathienhai hi,” a ta.

ESTHER 1:1

Ahasuer hun lai chun hieng hi a hung na, (hi Ahasuer hi Indiaa inthawka Ethiopia chena, rambung za sâwmhni pasari chunga rorêltu a nih),

INPÂKNA HLABU 135:15

Hnam tin milimhai chu tangka le rângkachak an na, Mihriem kutsuok an nih.

FESUOKNA 20:23

Keima le biek ding pathien danghai in insiem ding a ni naw a, in ta dingin tangkaraw pathienhai, rângkachak pathienhai in siem ding a ni bawk nawh.

FESUOKNA 32:31

Chun, Mosie chu Lalpa kuomah a hang fe nâwk a, “Aw hi mipui hin suolna nasatak chu an thaw ta a; rângkachak pathienhai an insiemfâwm a,.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiempêkhai chu, buikelet kuoma le bâk kuoma chun pei an ta,

ISAI 30:22

Chun, in tangkaruo milim siem, tangkaruoa cheina le in rângkachak milim sung, rângkachak tuia inluonna chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

JEREMIA 10:9

Tangkaruo thlênghaia sut, Tarsisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

JEREMIA 16:20

Mihriem chun ama ta dingin pathienhai ni si lo, pathienhai chu ân siempêk ding am a nih?

DANIEL 2:48

Chun, lal chun Daniel chu ropuitakin a siem a, thilpêk ropuitakhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem ta a.

DANIEL 2:49

Chun, Daniel chun lal chu a hni a, ama chun Sadrak hai, Mesak hai, Abednego hai chu Babulon chungchâng thuha hotu dingin a ruot a. Daniel ruok chu lal rorêlna ina chun a um ta lem a.

DANIEL 3:14

Nebukadnezzar chun a dawn a, an kuomah, “Aw Sadrak, Mesak, Abednego, ka pathien rawng chu in bâwl naw a, rângkachak milim kân ngîrtir khawm hi chibai in bûk nawh ti hi ân dik am a nih?

DANIEL 3:30

Chun, Babulon biel sûnga chun lal chun Sadrak, Mesak le Abednego hai chu a ân kâisângtir ta a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si naw a;

HOSEA 8:4

Ka thaw ni lovin, annîn lal an siem a, Ka hriet lovin hotuhai an siem a; An bohmangna dingin an tangkaruo le an rângkachakin milim an siem a.

HABAKKUK 2:19

Thing kuoma chun, “Har rawh,” ti a, Lung kuoma chun, “Tho rawh,” titu chu a chung a rik ie! Hi hin ân chûktir ding am a nih? En ta u, rângkachak le tangkaruo inluon khum a na, Amaa hin inthuokna hrim a um dêr nawh.

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiemna le ngairuotnaa suthai ang hi ni dingin ei ngai ding a ni nawh.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.