DANIEL 2:9 - Pathien Lekhabu Inthieng (BSI)

⁹ Nisienlakhawm, mang chu in mîn hriettir naw chun, in ta dingin dân pakhat chau a um a nih: hun a hung inthleng hmakhat chu ka hmaa hin thu sie le khêl hril dingin in inbuotsai a ni si a; chuleiin, mang chu mi hril unla; chun mang chu a hrilfiena in mîn entir thei ngei a nih ti ka hriet ding annâwm,” a ta.

DANIEL 2:9 Iomraidhean Croise

1 LALHAI 22:22

Chun, Lalpain a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

1 LALHAI 22:6

Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

ESTHER 4:11

“Tukhawm, nuhmei ni sien, pasal ni sien khawm, ko ni si lova, lal tuollai sûnghnung lema hung lût ta ding chun, ama chu hring a tih, tia lalin a rângkachak hmawl chu a lo lâk kâng si naw chun dân pakhat chau, ama chu that ngei nîng a tih, ti dân hi a um a nih ti lal siehlawhai po po le, lal rambunga mihai po po chun an hriet chieng hle a; nisienlakhawm, kei chu hieng ni sâwmthum sûng hin lal kuoma lût dinga koin ka um dêr naw a,” tiin.

THUVARHAI 12:19

Thutak hmûr chu kumkhuoa tungding nîng a ta, Lei khêlinhlip ruok chu mitkhapkâr chaua ding a nih.

ISAI 41:23

Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

EZEKIEL 13:17

“Chun, nang mihriem naupa, an lungrila inthawka thu hriltuhai, i mihai naunuhai tieng chu ngha rawh; anni kalin thu hril la,

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

EZEKIEL 13:6

An hmulawkna chu ân diknaw a, Ai sâna an hril lâwkhai chu khêl vawng a nih. Lalpain anni chu a tir naw sain, tiin an thu chu sukdet ni ngei dingin mihai an inbeiseitir a.

DANIEL 2:16

Chun, Daniel chu a va lût a, ama chu hun ruotpêk a, a mang umzie chu lal chu inentir dingin lal chu a ngên a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 2:8

Chun, lal chun a dawn a, “Chu thil chu keimaa inthawkin a fe hmang tlat tah ti in hmu lei hin, chu chu hun remchâng takah in hmang a nih ti ka hriet chieng a nih.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 5:28

PERES chu ‘I ram chu ṭhe a ni ta a, Media le Persia mihai kuoma chun pêk a ni tah,’ tina a nih,” tiin.

DANIEL 5:31

Chun, Media mi Daria chun ram chu a nei ta a, ama chu kum sâwmruk pahnia upa a nih.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.