DANIEL 2:41 - Pathien Lekhabu Inthieng (BSI)

⁴¹ Chun, a kehai le a kepârhai chu aṭhen bêlhemtu pil le aṭhen thîra i hmu ang khan, ram inṭhe hung nîng a tih, nisienlakhawm, bepil chu thîr le inpawla i hmu ang tak khan amaa chun thîr hrâtna chu um a tih.

DANIEL 2:41 Iomraidhean Croise

DANIEL 2:40

Chun, ram palina chu thîr anga hrât nîng a ta; thîr chu a nawiin ân nawi ta a, thil po po hne angin; chu thîr chuong thil po po suknâwitu ang chu nawi tamtakah sukdar nîng a ta, râwtnawi la nîng a tih.

DANIEL 2:42

Chun, kehai, kepârhai chu aṭhen thîr a na, aṭhen chu pil a ni ang khan, chu ram khawm chu aṭhena chu hrât hlêng a ta, aṭhena chu hrât naw hlêng a tih.

DANIEL 7:24

Chun, ki sâwm chungthua chu: hi rama inthawk hin lal sâwm hung suok an ta, anni hnungah pakhat dang suok pei a ta; a hmaahai nêk chun danglam a ta, lal pathum chu suktlâwm a tih.

DANIEL 7:7

Hi hnunga hin zâna thil hmulâwkhai chu ka hmu a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwi a, a mahlahai chu a kehaiin a sirde a, a hmaa sahrânghai po poa inthawk khan danglamtak a na; chun, ki sâwm a nei bawk a.

THUPUONGSUO 12:3

Chun, thilmak dang vânah a hung inlang nâwk a; ngai ta; dragon sen lientak lu sari le ki sâwm nei, lallukhum pasari khum a hung um a.

THUPUONGSUO 13:1

Chun, Sahrâng ki sâwm le lu sari nei, tuipuia hung suok ka hmu a, a kihaia chun lallukhum sâwm a uma, a luhaia chun Pathien hrilsietna hminghai a um bawk a.

THUPUONGSUO 17:12

“Chun, ki sâwm i hmuhai kha lal sâwm ram la nei nawhai an nih; dârkâr khat sûng chu sahrâng leh lalhai angin thuneina la hmûng an tih.