DANIEL 2:4 - Pathien Lekhabu Inthieng (BSI)

⁴ Chun, Kaldai mihai chun lal kuoma chun Suria ṭawngin, “Aw lalpa, kumkhuoin dam rawh: i siehlawhai hi mang chu mi hril la, a umzie chu hril el kan ti che,” an ta.

DANIEL 2:4 Iomraidhean Croise

INṬANNA 31:47

Laban chun chu lung intieng khâwm chu Jegar-sahadutha ân bûk a; Jakob ruok chun Galeed ân bûk a.

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

1 LALHAI 1:25

Vawisûn hin a fe thla a, ran châwm thâuhai, bâwngchalhai, berâmhai a that ṭeu a, lal naupahai po po le sipai hotuhai le, thiempu Abiathar hai dâm a fiel a, chun, ngai ta, an dâwnin an fâk tâwl a, ‘Pathien chun lal Adonija hi humhim raw se,’ an ti a nih.

1 LALHAI 1:31

Chuongchun, Bathseba chu a hmaia hnuoi sikin a bawkkhup a, lal chu chibai a bûk a, “Ka pu lal David hi kumkhawtluongin dam zing raw se,” a ta.

2 LALHAI 18:26

Chun, Hilkia naupa Eliakim le Sebna le Joa hai chun Rabsake kuomah, “Lunginsiettakin, i siehlawhai hi Suria ṭawngin mi be ta lem rawh; chu chu kan hriet thei si a; kul chunga mihai na hrieta hin Juda ṭawngin mi be ta naw rawh,” an ta.

EZRA 4:7

Chun, Artazerzia hun laiin, Bislam hai, Mithredath hai, Tabeel hai le a ruol danghaiin Persia lal Artazerzia kuoma chun lekha an ziek a, chu lekha chu Suria lekhaa ziek, Suria ṭawnga ziek a na.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram ta a, a kawtkhârhai chu a kâng vawng ta si a, lungngai hmêl put lo thei am nîng ka ti?” ka ti a.

ISAI 36:11

Chun, Eliakim le Sebna le Joa hai chun Rabsake kuomah, “Kan hni che hi i siehlawhai hi Suria ṭawngin mi be ta rawh, chu chu kan hriet thei si a; kul bang chunga mihai na hrietah Juda ṭawngin mi be ta naw raw khai,” an ti a.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

DANIEL 1:4

anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

DANIEL 2:7

Chun, an dawn nâwk a, “Lal chun a siehlawhai hi mang chu hril phawt raw se, chun a hrilfiena chu hril kan tih,” an ta.

DANIEL 3:9

Anni chun lal Nebukadnezzar kuoma chun, “Aw lalpa, kumkhuoin dam rawh.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.

DANIEL 4:9

“Aw Beltesazzar, mitvaidawithiemhai hotu, pathien inthienghai thlarau chu nangmaa chun a um a, thurûk chun nang a sukbuoi ngai naw che ti ka hriet leiin, ka manga thil hmulâwkhai ka hmu ta le, a umzie chu mi hril rawh.

DANIEL 5:10

Chuongchun, lal le a lalhai thuhai lei chun ruoiṭhena ina chun lalnu chu a hung lût a, lalnu chun a hril a, “Aw lalpa, kumkhuoin dam rawh, i ngaituonahai chun sukbuoi naw sienla che, i hmêlput dân khawm danglam bawk naw raw se.

DANIEL 5:8

Chun, lal mi varhai po po chu an hung lût a; nisienlakhawm, lekhaziek chu an tiem thei naw a, a umzie khawm chu lal chu an inhriettir thei naw a.

DANIEL 6:21

Daniel chun lal kuoma chun, “Aw lalpa, kumkhuoin dam rawh.

DANIEL 6:6

Chun, hieng hotuhai le biel awptuhai hi lal kuoma chun an hung inkhâwm a, a kuomah, “Lal Daria, kumkhuoin dam rawh.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêltuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

1 SAMUEL 10:24

Chun, Samuel chun mi po po kuomah, “Lalpa mi ruot hi in hmu am? Mipuihai po po lai ama ang hrim hrim an um nawh,” a ta. Chun, mipuihai chu an khêk a, “Pathienin laltak chu humhim raw se,” an ta.